ഇനി ഫേസ്ബുക്കില്‍ ഡിസ് ലൈക്കും അടിക്കാം ; ആദ്യം എത്തുന്നത് മെസഞ്ചറില്‍
പോസ്റ്റുകള്‍ക്കും , ഫോട്ടോകള്‍ക്കും ലൈക്ക് മാത്രം അടിച്ചു മുഷിഞ്ഞവര്‍ക്ക് ഇനി അവ ഇഷ്ടമായില്ല എങ്കില്‍ അത് പ്രകടിപ്പിക്കുവാനും ഫേസ്ബുക്കില്‍ അവസരം. ഏറെ നാളായി പറഞ്ഞു കേട്ടിരുന്ന ഡിസ്‌ലൈക് റിയാക്ഷന്‍ ബട്ടന്‍ ഫേസ്ബുക്ക് വൈകാതെ അവതരിപ്പിച്ചേക്കുമെന്ന് റിപ്പോര്‍ട്ടുകള്‍ പറയുന്നു. ലൈക്ക് കൊടുക്കുമ്പോള്‍ തള്ളവിരല്‍ ഉയര്‍ത്തിപ്പിടിച്ച ചുരുട്ടിയ മുഷ്ടിയുടെ തലതിരിഞ്ഞ രൂപമായിരിക്കും ഡിസ്‌ലൈക്ക് ബട്ടണ്‍.ഫേസ്ബുക്ക് മെസഞ്ചറിലാകും ഡിസ്‌ലൈക്ക് ബട്ടണ്‍ ആദ്യം പരീക്ഷിക്കുക. നിലവിലുള്ള ആറ് റിയാക്ഷനുകള്‍ക്ക് ഒപ്പമായിരിക്കും ഡിസ്‌ലൈക്ക് ബട്ടന്‍റെ സ്ഥാനം എന്നാണ് റിപ്പോര്‍ട്ട്. ഒരു വര്‍ഷം മുന്‍പാണ് ഫേസ്ബുക്ക് വിവിധ റയാക്ഷന്‍ ബട്ടനുകള്‍ അവതരിപ്പിച്ചത്. ഒരു വര്‍ഷംകൈാണ്ട് 300 ബില്ല്യന്‍ റിയാക്ഷനുകളാണ് ഫേസ്ബുക്കില്‍ രേഖപ്പെടുത്തിയത്. ഈ സമയത്തും ‘ഡിസ്‌ലൈക്ക്’ ബട്ടണ്‍ വരുന്നു എന്ന് പറഞ്ഞുകേട്ടിരുന്നു എങ്കിലും ഇതുവരെയും അത് പ്രാവര്‍ത്തികമായില്ല. എന്നാല്‍ ഡിസ് ലൈക് ബട്ടണ്‍ വന്നാല്‍ പലരുടെയും പോസ്റ്റുകള്‍ ഡിസ് ലൈക്ക് കൊണ്ട് നിറയും എന്നകാര്യം ഉറപ്പ്. ഇപ്പോള്‍ പലരും അനിഷ്ടം കമന്റുകള്‍ വഴിയാണ് പ്രകടിപ്പിക്കുന്നത്.ബട്ടണ്‍ വരുന്നതോടെ ഒരു ക്ലിക്കില്‍ കാര്യം കഴിയും.
