ചെറുകാട് ക്രിയേഷന്‍സിന്റെ പുതിയ മ്യൂസിക് ആല്‍ബം ‘സത്യനാദം’ പ്രകാശനത്തിന്
വിയന്ന: യേശുഭഗവാന്‍, സംപൂജ്യന്‍, സ്വര്‍ഗ്ഗീയനാദം, അംബരറാണി, ദേവാത്മകം എന്നീ മികവുറ്റ ആല്‍ബങ്ങള്‍ക്ക് ശേഷം സിറിയക്ക് ചെറുകാട് സംഗീതം നല്‍കി അവതരിപ്പിക്കുന്ന മ്യൂസിക് ആല്‍ബം ‘സത്യനാദം’ പ്രകാശനത്തിന് തയ്യാറെടുക്കുന്നു. ചെറുകാട് ക്രിയേഷന്‍സിന്റെ ആറാമത്തെ അര്‍ഥശാസ്ത്രീയ ക്രിസ്തീയ ഭക്തിഗാനങ്ങളുടെ സമാഹാരമാണ് പുതിയ ആല്‍ബം.
ആല്‍ബത്തില്‍ സെമിക്ലാസിക്ക് ഗാനങ്ങളോടൊപ്പം ധ്യാനം, സ്തുതി, ആരാധന തുടങ്ങി ലിറ്റര്‍ജിയ്ക്ക് ഗാനങ്ങളും ചിട്ടപ്പെടുത്തിയിട്ടുണ്ടെന്നു സംഗീത സംവിധായകന്‍ സിറിയക് ചെറുകാട് പറഞ്ഞു. പ്രശ്‌സത വാഗ്മീയും വചനപ്രഘോഷകനുമായ ഫാ. ജോസഫ് പുത്തന്‍പുരയ്ക്കലാണ് രചന. മധു ബാലകൃഷ്ണന്‍, ബിജു നാരായണന്‍, കെസ്റ്റര്‍, വില്‍സണ്‍ പിറവം, അഫ്‌സല്‍, സിറിയക് ചെറുകാട്, ശ്രീജാ ചെറുകാട് തുടങ്ങിവരാണ് ഗാനങ്ങള്‍ ആലപിച്ചിരിക്കുന്നത്.
ഓര്‍ക്കസ്‌ട്രേഷന്റെ മികവുകൊണ്ടും, അര്‍ദ്ധ ശാസ്ത്രീയ ഗാനങ്ങളുടെ ആസ്വാദ്യതയും ഒരുപോലെ കോര്‍ത്തിണക്കി ക്രിസ്തീയ ഭക്തിഗാനങ്ങള്‍ അവതരിപ്പിക്കുന്ന ചെറുകാട് ക്രിയേഷന്‍സിന്റെ ആല്‍ബങ്ങള്‍ എല്ലാം തന്നെ മികച്ച അഭിപ്രായം നേടിയട്ടുണ്ട്. ക്രിസ്തീയ ഭക്തിഗാന ആസ്വാദകര്‍ക്കും പ്രവാസി മലയാളി സംഗീത പ്രേമികള്‍ക്കും ഒരുപോലെ ഇഷ്ടപ്പെടുന്ന സംഗീതമാണ് ആല്‍ബത്തിലുള്ളതെന്നു ചെറുകാട് ക്രിയേഷന്‍സിന്റെ സാരഥി സിറിയക്ക് ചെറുകാട് പറഞ്ഞു.
ഭരണങ്ങാനത്തുള്ള അസീസി റിന്യൂവല്‍ സെന്ററില്‍ നിന്നും കേരളത്തിലുള്ളവര്‍ക്ക് വാങ്ങിക്കാം. ടെലിഫോണ്‍: 0091- 4822 236386, 0091- 90485 42370. വിദേശത്ത് ആല്‍ബം ആവശ്യമുള്ളവര്‍ 0043 6991 2922 390 എന്ന നമ്പറിലോ c.cherukad@gmail.com എന്ന ഇമെയിലിലോ ബന്ധപ്പെടുക.
