ഓസ്ട്രേലിയയില്‍ നിന്നും ലഹരിക്കെതിരെ വേറിട്ട ചിന്തയുമായ് പുനര്‍ജന്മം
അവതരണം കൊണ്ടും പ്രമേയത്തിന്റെ പ്രാധാന്യം കൊണ്ടും ശ്രദ്ധേയമാകുകയാണ് പുനര്‍ജന്മം എന്ന ഹ്രസ്വ ചിത്രം. ശരത് ഹരിപ്പാട് തിരക്കഥയും സംവിധാനം നിര്‍വ്വഹിച്ച ഈ ഷോര്‍ട് ഫിലിം അഡിലൈഡിലുള്ള കറി ലീഫ് ക്രീയേഷന്‍സ് ആണ് നിര്‍മ്മിച്ചിരിക്കുന്നത്.
മദ്യാസക്തി പ്രധാന വിഷയമായി പ്രതിപാദിക്കുന്ന ഈ ചിത്രം ഹരിപ്പാടുള്ള ഒരു കൂട്ടം ചെറുപ്പക്കാരുടെ സ്വപ്നമായിരുന്നു. ഹരിപ്പാട്ടും അഡിലൈഡിലുമായി പൂര്‍ത്തീകരിച്ച ഈ ഷോര്‍ട് ഫിലിം ലഹരിയുടെ കരാളഹസ്തത്തില്‍ അകപ്പെടുന്നവര്‍ക്ക് ഒരു പക്ഷേ, മനസ്സില്‍ ഒരു തീപ്പൊരിയാകാന്‍ കഴിഞ്ഞേക്കും. അരുണ്‍ രഘു ഛായാഗ്രഹണം നിര്‍വഹിച്ചിരിക്കുന്ന ചിത്രത്തിന്റെ എഡിറ്റിംഗ് ശരത് ഹരിപ്പാടും സംഗീതം ഹരിപ്രസാദും നിര്‍വഹിച്ചിരിക്കുന്നു.
