സീരിയലില്‍ അവസരം നല്‍കാം എന്ന് പറഞ്ഞു ബാലതാരത്തിനെ കൂട്ടബലാല്‍സംഗം ചെയ്തു ; സംഭവം കൊല്ലത്ത്
കൊല്ലം : പ്രായപൂര്‍ത്തിയാകാത്ത പെണ്‍കുട്ടിയെ കൂട്ടബലാല്‍സംഗം ചെയ്തതായി പരാതി. സംഭവവുമായി ബന്ധപ്പെട്ട് പ്രമുഖ രാഷ്ട്രീയ നേതാവിന്‍റെ മകനെ പൊലീസ് കസ്റ്റഡിയിലെടുത്തതായും കേസിൽ അഞ്ച് പേർക്ക് പങ്കുള്ളതായും റിപ്പോര്‍ട്ടുകള്‍ ഉണ്ട്.നേരത്തെ ഒരു ഹ്രസ്വസിനിമയില്‍ ബാലതാരമായി പെൺകുട്ടി അഭിനയിച്ചിരുന്നു. മറ്റൊരു സിനിമയില്‍ അഭിനയിക്കാൻ അവസരം നൽകാമെന്ന് വാഗ്ദാനം ചെയ്ത്പെൺകുട്ടിയെ ഒരു വീട്ടിലെത്തിക്കുകയും അവിടെവെച്ച് കൂട്ടബലാത്സംഗം ചെയ്യുകയുമായിരുന്നു. അതേസമയം സീരിയൽ രംഗത്ത് സജീവമായ ഒരു നടിയാണ് വാഗ്ദാനം നൽകി പെൺകുട്ടിയെ കൂട്ടിക്കൊണ്ടുപോയത് എന്നും പറയപ്പെടുന്നു. എന്നാല്‍ ഇവരുടെ പേര് വിവരങ്ങള്‍ പോലീസ് ഇതുവരെ പുറത്തുവിട്ടിട്ടില്ല. കൊല്ലം മയ്യനാട് സ്വദേശിയെ ആണ് പൊലീസ് കസ്റ്റഡിയിലെടുത്തത്. കൊല്ലം ഈസ്റ്റ് പൊലീസാണ് കേസ് രജിസ്റ്റർ ചെയ്തത്. കഴിഞ്ഞ 18നു നല്‍കിയ പരാതിയില്‍ ഇന്നാണ് പൊലീസ് കേസെടുക്കുവാന്‍ തയ്യാറായത് എന്ന് കുട്ടിയുടെ ബന്ധുക്കള്‍ ആരോപിക്കുന്നു.
