ചെറുകാട് ക്രിയേഷന്‍സിന്റെ ‘സത്യനാദം’ ഏപ്രില്‍ 8ന് വിയന്നയില്‍ പ്രകാശനം ചെയ്യും
വിയന്ന: ചെറുകാട് ക്രിയേഷന്‍സിന്റെ ഏറ്റവും പുതിയ ആല്‍ബം ‘സത്യനാദം’ ഏപ്രില്‍ 8ന് (ശനി) വിയന്നയിലെ മലയാളി കത്തോലിക്കാ സമൂഹത്തിന്റെ വാര്‍ഷിക ധ്യാനത്തില്‍ പ്രകാശനം ചെയ്യും. ധ്യാനത്തിന്റെ അവസാന ദിവസം സ്റ്റാട്ട്‌ലൗ ദേവാലയത്തിലായിരിക്കും പ്രകാശനച്ചടങ്ങ്. ചെറുകാട് ക്രിയേഷന്‍സിന്റെ ആറാമത്തെ അര്‍ദ്ധശാസ്ത്രീയ ക്രിസ്തീയ ഭക്തിഗാനങ്ങളുടെ സമാഹാരമാണ് പുതിയ ആല്‍ബം.
ശ്രീജ ചെറുകാട് ആലപിച്ച അര്‍ത്ഥശാസ്ത്രീയ ഗാനത്തിന്റെ വീഡിയോ ദൃശ്യാവിഴ്കാരം ആല്‍ബത്തിന്റെ റിലീസിന് മുന്നോടിയായി യൂട്യൂബില്‍ നല്കിയിട്ടുണ്ട്. യേശുഭഗവാന്‍, സംപൂജ്യന്‍, സ്വര്‍ഗ്ഗീയനാദം, അംബരറാണി, ദേവാത്മകം എന്നീ മികവുറ്റ ആല്‍ബങ്ങള്‍ക്ക് ശേഷം സിറിയക്ക് ചെറുകാട് സംഗീതം നല്‍കി അവതരിപ്പിക്കുന്ന മ്യൂസിക് ആല്‍ബമാണ് ‘സത്യനാദം’. പ്രശ്‌സത വാഗ്മീയും വചനപ്രഘോഷകനുമായ ഫാ. ജോസഫ് പുത്തന്‍പുരയ്ക്കലാണ് രചന. മധു ബാലകൃഷ്ണന്‍, ബിജു നാരായണന്‍, കെസ്റ്റര്‍, വില്‍സണ്‍ പിറവം, അഫ്‌സല്‍, സിറിയക് ചെറുകാട്, ശ്രീജാ ചെറുകാട് തുടങ്ങിവരാണ് ഗാനങ്ങള്‍ ആലപിച്ചിരിക്കുന്നത്.
പ്രകാശന ചടങ്ങിലേക്ക് ഏവരെയും ക്ഷണിക്കുന്നതായി സിറിയക്ക് ചെറുകാട് അറിയിച്ചു. യൂറോപ്പിലും വിവിധ രാജ്യങ്ങളിലും ഉള്ള മലയാളി സുഹൃത്തുക്കള്‍ക്ക് ആല്‍ബത്തിന്റെ കോപ്പികള്‍ ആവശ്യമെങ്കില്‍ അയച്ചു നല്‍കാനും അവസരം ഒരുക്കിയിട്ടുണ്ട്. കേരളത്തിലുള്ളവര്‍ക്ക് ഭരണങ്ങാനത്തുള്ള അസീസി റിന്യൂവല്‍ സെന്ററില്‍ നിന്നും വാങ്ങിക്കാം. ടെലിഫോണ്‍: 0091- 4822 236386, 0091- 90485 42370. വിദേശത്ത് ആല്‍ബം ആവശ്യമുള്ളവര്‍ 0043 6991 2922 390 എന്ന നമ്പറിലോ c.cherukad@gmail.com എന്ന ഇമെയിലിലോ ബന്ധപ്പെടുക.
