മുസ്ലീം യുവതികള്‍ ഹിന്ദു യുവാക്കളോട് ഐ ലവ് യൂ പറഞ്ഞു മതം മാറണം എന്ന് സ്വാതി പ്രാചി
വിവാദ സന്ന്യാസിനി സ്വാധി പ്രാചിയാണ് മുസ്ലിം യുവതികള്‍ അവരുടെ മതം ഉപേക്ഷിച്ച് ഹിന്ദു മതം സ്വീകരിക്കണമെന്ന ആവശ്യവുമായി രംഗത്ത് വന്നത്. ഹിന്ദു യുവാക്കളോട് മുസ്ലിം യുവതികള്‍ ഐലവ് യു പറയണമെന്നും വിഎച്ച്പി നേതാവായ പ്രാചി പറയുന്നു. തലാഖ് വിഷയത്തില്‍ പ്രതിസന്ധിയില്‍പ്പെട്ടിരിക്കുന്ന മുസ്ലിം സ്ത്രീകള്‍ ഹിന്ദു മതം സ്വീകരിക്കണം. ഹിന്ദു മതമാണ് അവര്‍ക്ക് നല്ലത്. ഇസ്ലാം ഉപേക്ഷിക്കണമെന്നാണ് അവരോടുള്ള എന്റെ ഉപദേശം. ഹിന്ദുക്കളായുള്ള ആണ്‍കുട്ടികള്‍ നിങ്ങളെ വിവാഹം കഴിക്കാന്‍ തയ്യാറാണ്. അവരോട് നിങ്ങള്‍ ഐലവ് യു പറഞ്ഞാല്‍ മാത്രം മതി- പ്രാചി പറഞ്ഞു. ഉത്തര്‍ പ്രദേശില്‍ മൗലാനമാര്‍ സമാധാന ജീവിതം ആഗ്രഹിക്കുന്നുവെങ്കില്‍ നിങ്ങള്‍ രാമക്ഷേത്രത്തിന് വേണ്ടി ഫത്‌വ ഇറക്കണം. അയോധ്യയില്‍ രാമക്ഷേത്രം ഉയരുക മാത്രമാണ് പോംവഴി. മറ്റൊന്നും ചെയ്യേണ്ടതില്ലെന്നും പ്രാചി പറഞ്ഞു. ബാബരി മസ്ജിദ് നിന്ന സ്ഥലത്ത് രാമക്ഷേത്രം നിര്‍മിക്കാനുള്ള നീക്കത്തിനെതിരേ കഴിഞ്ഞാഴ്ച സമാജ്‌വാദി പാര്‍ട്ടി നേതാവ് അബു അസ്മി രംഗത്തെത്തിയിരുന്നു. ഇക്കാര്യം പരാമര്‍ശിച്ചാണ് പ്രാചിയുടെ വാക്കുകള്‍. മുറാദാബാദില്‍ പാര്‍ട്ടി യോഗത്തില്‍ സംസാരിക്കുകയായിരുന്നു പ്രാചി.
