കാര്‍ തടഞ്ഞു സെല്‍ഫി എടുക്കാന്‍ വന്ന ആരാധകന് സച്ചിന്‍ നല്‍കിയ മറുപടി (വീഡിയോ)
ക്രിക്കറ്റിലെ ദൈവം എന്ന പേര് ഒരു അഹങ്കാരമായി കൊണ്ട് നടക്കാത്ത വ്യക്തിത്വത്തിനു ഉടമയാണ് സച്ചിന്‍ ടെണ്ടുല്‍ക്കര്‍. ലോകം മുഴുവന്‍ കോടിക്കണക്കിനു ആരാധകരുള്ള അദ്ദേഹത്തിന്‍റെ കളികളത്തിലെ പ്രകടനം മാത്രമല്ല സ്വകാര്യജീവിതത്തിലെ പെരുമാറ്റവും ഏവര്‍ക്കും ഏറ്റവും പ്രിയപ്പെട്ടതാണ്. അത്തരത്തില്‍ തന്‍റെ കൂടെ ചിത്രം എടുക്കുവാന്‍ സഞ്ചരിച്ച കാര്‍ തടഞ്ഞ ആരാധകന് നമ്മുടെ നാട്ടിലെ വല്ല താരങ്ങളും ആയിരുന്നേല്‍ നല്ല തെറിയും വേണമെങ്കില്‍ അടിയും കൊടുത്തനെ. സച്ചിന്‍ കാറില്‍ പോകുന്നത് കണ്ടു ബൈക്കില്‍ പിന്തുടര്‍ന്നാണ് രണ്ടുയുവാക്കള്‍ സെല്‍ഫി എടുക്കുവാന്‍ ശ്രമിച്ചത്. എന്നാല്‍ ഫോട്ടോ എടുക്കുവാന്‍ സമ്മതിക്കുന്നതിന് മുന്‍പ് ആരാധകനോട് ഒരു കാര്യമാണ് സച്ചിന്‍ ആവശ്യപ്പെട്ടത്. ഇനി ബൈക്കില്‍ സഞ്ചരിക്കുമ്പോള്‍ ഹെല്‍മേറ്റ് ഉപയോഗിക്കണം. മനുഷ്യ ജീവന്‍ വളരെ വിലപ്പെട്ടതാണ്‌ എന്നും സച്ചിന്‍ അവരെ ഓര്‍മ്മിപ്പിച്ചു.
