ദിലീപിന്റെ കാരവന്‍ അപകടത്തില്‍പ്പെട്ടോ: ‘ഉയര്‍ത്തെഴുന്നേല്‍പിന്റെ വിശുദ്ധ ഈസ്റ്റര്‍’ ആശംസിച്ച് താരം
കൊച്ചി: നടന്‍ ദിലീപിന്റെ കാരവന്‍ അപകടത്തില്‍ പെട്ടെന്ന വാര്‍ത്തയ്‌ക്കെതിരെ പ്രതികരണവുമായി താരംതന്നെ രംഗത്ത്. തനിക്ക് സ്വന്തമായി ഒരു കാരവന്‍ പോലുമില്ലെന്നാണ് ദിലീപ് പറയുന്നത്. തന്നെ ‘ഒരുപാട് ‘ സഹായിക്കുന്ന ചില പത്രങ്ങളുടെ ഓണ്‍ലൈന്‍ പേജുകളിലും വാര്‍ത്തകള്‍ വരുന്നതായും, അതിനു സോഷ്യല്‍ മീഡിയായില്‍ മുഖമില്ലാത്ത ‘ചില മാന്യന്മാര്‍ ‘ വേണ്ട രീതിയില്‍ പ്രചരണം നടത്തുന്നതായും അറിഞ്ഞതായി ദിലീപ് തന്റെ ഫേസ്ബുക്ക് പേജില്‍ കുറിച്ചു.
താരത്തിന്റെ പോസ്റ്റിന്റെ പൂര്‍ണരൂപം:
പ്രിയപ്പെട്ടവരെ, ഇന്ന് മൂലമറ്റത്തിനടുത്തുവച്ച് ഒരു കാരവന്‍ അപകടത്തില്‍ പെട്ടു,ഈ കാരവന്‍ എന്റേതാണു എന്നമട്ടില്‍ സോഷ്യല്‍ മീഡിയായിലും,എന്നെ ‘ഒരുപാട് ‘സഹായിക്കുന്ന ചില പത്രങ്ങളുടെ ഓണ്‍ലൈന്‍ പേജുകളിലും വാര്‍ത്തകള്‍ വരുന്നതായും,അതിനു സോഷ്യല്‍ മീഡിയായില്‍ മുഖമില്ലാത്ത ‘ചില മാന്മ്യാര്‍ ‘വേണ്ട രീതിയില്‍ പ്രചരണം നടത്തുന്നതായും അറിഞ്ഞു, അതുകൊണ്ട് എല്ലാവരുടേയും അറിവിലേക്കായ് പറയുന്നു,എനിക്ക് സ്വന്തമായ് കാരവനില്ല,മറിഞ്ഞ കാരവാന്റെ ഉടമ ജാവേദ് ചെമ്പ് എന്ന പ്രൊഡകഷന്‍ ക്ണ്‍ ട്രോളറാണു,സിനിമകളുടെ സെറ്റില്‍ വാടകയ്ക്കു നല്‍കുന്നതാണിത്,’കമ്മാരസംഭവം ‘ എന്ന ചിത്രത്തിന്റെ ലൊക്കേഷനില്‍ ഈ കാരവന്‍ ഞങ്ങള്‍ ഉപയോഗിച്ചിരുന്നു,ഈശ്വരകൃപയാല്‍ അതില്‍ ജോലിചെയ്യുന്ന പാവപ്പെട്ട തൊഴിലാളികള്‍ അപകടമൊന്നുമില്ലാതെ രക്ഷപ്പെട്ടു എന്നതാണു എന്നെ സംബന്ധിച്ച് ആശ്വാസം, എല്ലാവര്‍ക്കും ഉയര്‍ത്തേഴുന്നേല്‍പ്പിന്റെ വിശുദ്ധ ഈസ്റ്റര്‍ ആശംസകള്‍ in Advance.
