അമേരിക്കന്‍ ആക്രമണം അഫ്ഗാനില്‍ കൊല്ലപ്പെട്ടത് 13 ഇന്ത്യക്കാര്‍
കാബൂള്‍: അഫ്ഗാനിസ്ഥാനില്‍ ഐസ് തീവ്രവാദികളുടെ മേഖലയില്‍ അമേരിക്ക നടത്തിയ ബോബാക്രമണത്തില്‍ മരിച്ചവരില്‍ 13 ഇന്ത്യക്കാരുമെന്ന് റിപ്പോര്‍ട്ട്. തിങ്കളാഴ്ച അമേരിക്ക അഫ്ഗാനിസ്ഥാനിലെ നഗര്‍ഹാര്‍ പ്രവിശ്യയില്‍ നടത്തിയ ആണവേതര ബോംബാക്രമണത്തില്‍ 96 പേരാണ് മരിച്ചത്. ഇവരില്‍ 13 പേര്‍ ഇസ്ലാമിക് സ്റ്റേറ്റ്‌സില്‍ ചേര്‍ന്ന ഇന്ത്യക്കാരാണെന്നാണ് ഒരു അഫ്ഗാന്‍ മാധ്യമം റിപ്പോര്‍ട്ട് ചെയ്യുന്നത്. മരിച്ചവരില്‍ ഐഎസ് കമാന്റര്‍മാരായ മുഹമ്മദും,അള്ളാ ഗുപ്തയും ഇന്ത്യയില്‍ നിന്നുള്ളവരാണെന്നും റിപ്പോര്‍ട്ടിലുണ്ട്. വാര്‍ത്ത സ്ഥിരീകരിക്കാനായിട്ടില്ലെന്ന് എന്‍ഐഎ അറിയിച്ചു.ഇന്ത്യയില്‍ നിന്ന് ഐഎസില്‍ ചേര്‍ന്നതായി സംശയിക്കുന്നവരുടെ കുടുംബവുമായി ബന്ധപ്പെട്ട് വരികയാണെന്നും എന്‍ഐഎ വ്യക്തമാക്കി. അതേസമയം ബോംബ് ആക്രമണത്തില്‍ അഞ്ചു മലയാളികള്‍ കൊല്ലപ്പെട്ടു എന്ന് നേരത്തെ വാര്‍ത്തകള്‍ വന്നിരുന്നു. കേരളത്തില്‍ നിന്നും ഐസില്‍ ചേര്‍ന്നവരാണ് കൊല്ലപ്പെട്ടത്.
