കേടായ കാറിനുള്ളില്‍ കുടുങ്ങി രണ്ടുകുട്ടികള്‍ ശ്വാസംമുട്ടി മരിച്ചു
കേടായി കിടന്ന കാറിനുള്ളില്‍ കളിക്കുവാന്‍ കയറിയ കുട്ടികള്‍ ശ്വാസംമുട്ടി മരിച്ചു. യുപിയിലെ മൊറാദാബാദിനടുത്തുള്ള അംറോഹയിലായിരുന്നു സംഭവം. നാലുകുട്ടികളാണ് കാറിനുള്ളില്‍ കളിക്കാന്‍ കയറിയത്. കളിക്കുന്നതിനിടെ കാറിന്റെ വാതില്‍ അബദ്ധത്തില്‍ അടയുകയും കുട്ടികള്‍ക്ക് തുറക്കാന്‍ പറ്റാതെ വരികയുമായിരുന്നു. ശ്വാസം കിട്ടാതെയാണ് കുട്ടികള്‍ മരിച്ചത്. കുഴഞ്ഞു വീണ കുട്ടികളെ നാട്ടുകാര്‍ കണ്ടെത്തുബോഴെയ്ക്ക് രണ്ടു കുട്ടികള്‍ മരിച്ചിരുന്നു. ഒരു കുട്ടിയുടെ നില ഗുരുതരമാണ്.
