പാചകവാതക വിതരണം മുടങ്ങും; എല്‍പിജി ട്രക്ക് ഡ്രൈവര്‍മാര്‍ അനിശ്ചിതകാല സമരത്തിലേക്ക്, ചര്‍ച്ച പരാജയം
തിരുവനന്തപുരം: സംസ്ഥാനത്ത് നാളെ മുതല്‍ പാചകവാതക വിതരണം മുടങ്ങും. എല്‍പിജി ട്രക്ക് ഡ്രൈവര്‍മാരുടെ സംയുക്ത യൂണിയന്‍ നാളെ മുതല്‍ അനിശ്ചിത കാല സമരം പ്രഖ്യാപിച്ചതിനെ തുടര്‍ന്നാണിത്. ശമ്പള വര്‍ധന ആവശ്യപ്പെട്ട് എല്‍പിജി ഡ്രൈവര്‍മാര്‍ ലേബര്‍ കമ്മീഷണറുമായി ചര്‍ച്ച നടത്തിയിരുന്നു.
എന്നാല്‍ ഇന്നു നടത്തിയ ചര്‍ച്ചയും പരാജയപ്പെട്ട സാഹചര്യത്തിലാണ് അനിശ്ചിതകാല സമരം പ്രഖ്യാപിച്ചത്. ഇതോടെ സംസ്ഥാനത്തെ ആറു പ്ലാന്റുകളില്‍ നിന്നുളള എല്‍പിജി വിതരണം മുടങ്ങും.
