കേരളത്തിലെ കമ്യൂണിസ്റ്റ് സര്‍ക്കാറിനെ തകര്‍ക്കാന്‍ അമേരിക്ക ശ്രമിക്കുന്നു-മുഖ്യമന്ത്രി ;സി.ഐ.എ ഇതിനായി പണം മുടക്കി
കണ്ണൂര്‍: കേരളത്തിലെ കമ്യൂണിസ്റ്റ് സര്‍ക്കാറിനെ തകര്‍ക്കാന്‍ അമേരിക്ക ശ്രമിക്കുന്നുവെന്ന് മുഖ്യമന്ത്രി. ഒക്ടോബര്‍ വിപ്ലവത്തിന്റെ നൂറാം വാര്‍ഷികത്തോടനുബന്ധിച്ച് കണ്ണൂരില്‍ സി.പി.ഐ.എം നടത്തിയ റെഡ് വളണ്ടിയര്‍ മാര്‍ച്ചില്‍ സംസാരിക്കവെയാണ് അദ്ദേഹം ഇക്കാര്യം പറഞ്ഞത്.
ലോകത്തെ സോഷ്യലിസ്റ്റ് രാജ്യങ്ങളെയാണ് അമേരിക്ക തകര്‍ക്കാന്‍ ശ്രമിക്കുന്നത്. ചാരസംഘടനയായ സി.ഐ.എ ഇതിനായുള്ള പ്രവര്‍ത്തനങ്ങള്‍ തുടരുകയാണ്. ഇടത് സര്‍ക്കാറിനെ തകര്‍ക്കാന്‍ സി.ഐ.എ പണം മുടക്കിയിട്ടുണ്ടെന്നും അദ്ദേഹം വെളിപ്പെടുത്തി.
ലോകമെമ്പാടുമുള്ള മാധ്യമങ്ങളെയാണ് ഇതിനായി ഉപയോഗിക്കുകയാണ്. ലോകത്തുള്ളതില്‍ 95 ശതമാനം മാധ്യമങ്ങളും സാമ്രാജ്യത്വ പക്ഷ മാധ്യമങ്ങളാണെന്നും എല്ലാ പുരോഗമനങ്ങളെയും ജനാധിപത്യത്തേയും ഇല്ലാതാക്കുന്ന തരം വാര്‍ത്തകളാണ് അവര്‍ പ്രസിദ്ധീകരിക്കുന്നതെന്നും പിണറായി വിജയന്‍ പറഞ്ഞു.
