യേശുവിന്റെ അത്ഭുത പ്രവര്‍ത്തി അനുകരിക്കാന്‍ ശ്രമിച്ച ഉപദേശിയെ മുതല ഭക്ഷണമാക്കി
അബൂജ: യേശുവിന്റെ അത്ഭുതപ്രവര്‍ത്തി അനുകരിക്കാന്‍ ശ്രമിച്ച പാസ്റ്റര്‍ക്ക് ദാരുണമായ അന്ത്യം. നൈജീരിയയിലെ ലാസ്റ്റ് ഡേയ്സ് ചര്‍ച്ച് ഓഫ് ക്രൈസ്റ്റ് എന്ന സഭയിലെ ജൊനാതന്‍ ഇംതെത്വ എന്ന പാസ്റ്ററാണ് അത്ഭുതം പ്രവര്‍ത്തിക്കുന്നതിനിടയില്‍ മുതലകള്‍ തിന്നത്.
തന്റെ അനുയായികളെ ക്രിസ്തുവിന്റെ അത്ഭുതം പ്രവര്‍ത്തിച്ചുതന്നെ കാണിച്ചുകൊടുത്ത് ഞെട്ടിക്കാന്‍ ജൊനാതന്‍ പുറപ്പെട്ടു. ഒടുവില്‍ തങ്ങളുടെ നേതാവിനെ മുതല തിന്നുന്നത് കണ്ട് അനുയായികള്‍ ഞെട്ടിയെന്നാണ് റിപ്പോര്‍ട്ട്.
വെള്ളത്തിന് മീതേ നടക്കും എന്നായിരുന്നു ജൊനാതന്‍ പറഞ്ഞത്. എന്നാല്‍ വെള്ളത്തിലേക്ക് കാലെടുത്തുവച്ച ഉടനെ അദ്ദേഹം താഴ്ന്നുപോയി. ഉടനെ തന്നെ പാഞ്ഞെത്തിയ മൂന്ന് മുതലകള്‍ അദ്ദേഹത്തെ ആഹാരമാക്കി. ഏതാനും നിമിഷങ്ങള്‍ക്കുള്ളില്‍ അവ അദ്ദേഹത്തെ അവസാനിപ്പിച്ചു. അവസാനം ഒരു അടിവസ്ത്രവും ഒരു ജോടി ചെരിപ്പും മാത്രം വെള്ളത്തിനുമുകളിലൂടെ ഒഴുകിനടന്നുവെന്ന് സംഭവത്തിനു ദൃക്സാക്ഷിയായ ഒരു വിശ്വാസി വിവരിച്ചു.
അതേസമയം സൗത്ത് ആഫ്രിക്കയുടെ നാഷണല്‍ എമര്‍ജന്‍സി മെഡിക്കല്‍ കെയര്‍ നെറ്റ് വര്‍ക്കായ ഇആര്‍24 എത്തിയപ്പോള്‍ സംഭവം നടന്നിട്ട് അരമണിക്കൂര്‍ പിന്നിട്ടിരുന്നതിനാല്‍ കൂടുതല്‍ ഒന്നും ചെയ്യാനുണ്ടായിരുന്നില്ല.
