ആയാംകുടി സെന്റ് തെരേസ് പബ്ലിക് സ്‌കൂളിന് നൂറില്‍ നൂറ്
സി ബി എസ് സി പത്താം ക്ലാസ്സ് പരീക്ഷാഫലം പ്രഖ്യാപിച്ചപ്പോള്‍ സെന്റ് തെരേസ് പബ്ലിക് സ്‌കൂളിന് നൂറില്‍ നൂറ്! എല്ലാ വിഷയങ്ങള്‍ക്കും എ+ നേടിയത് 35 പേര്‍. മേഖലയിലെ ഏറ്റവുമുയര്‍ന്ന എ+ നേട്ടം ഇക്കുറിയും സെന്റ് തെരേസ് സ്‌കൂളിന് സ്വന്തം. 100 വിദ്യാര്‍ത്ഥികള്‍ പരീക്ഷ എഴുതിയതില്‍ 88 പേര്‍ക്കും ഡിസ്റ്റിംക്ഷന്‍ മാര്‍ക്കോ അതിലധികമോ ലഭിച്ചു.
മികച്ച റിസള്‍ട്ടും ഇതര പഠനപ്രവര്‍ത്തനങ്ങളും മുന്‍നിര്‍ത്തി മേഖലയിലെ ഏറ്റവും മികച്ച സ്‌കൂളിനുള്ള അവാര്‍ഡ് കഴിഞ്ഞവര്‍ഷവും സ്വന്തമാക്കിയ സ്‌കൂള്‍ തങ്ങളുടെ സ്ഥാനം അരക്കിട്ടുറപ്പിക്കുകയാണ് തുടര്‍ച്ചയായ വിജയങ്ങളിലൂടെ. തികച്ചും ഗ്രാമാന്തരീക്ഷത്തില്‍ ആയിരുന്നിട്ടുകൂടി കലാകായികപഠന വിഷയങ്ങളില്‍ എന്നും മുന്‍പന്തിയിലാണ് ഈ സ്‌കൂള്‍. മധ്യകേരളത്തിലെ സി ബി എസ് സി സ്‌കൂളുകളുടെ കൂട്ടായ്മയായ കോട്ടയം സഹോദയ സ്‌കൂള്‍ യൂത്ത്‌ഫെസ്റ്റിവലിലേയും കായികമേളയിലെയും സെക്കണ്ടറി വിഭാഗത്തിലെ സ്ഥിരം വിജയികളാണ് ആയാംകുടി സെന്റ് തെരേസ് പബ്ലിക് സ്‌കൂള്‍.
സ്‌കൂള്‍ മാനേജ്‌മെന്റിന്റെയും പ്രിന്‍സിപ്പാളിന്റെയും രക്ഷാകര്‍ത്തൃസമിതിയുടെയും അകമഴിഞ്ഞ പിന്തുണയോടെ ഒരുസംഘം അദ്ധ്യാപകര്‍ വിദ്യാര്‍ത്ഥികളോടൊപ്പം ചേര്‍ന്ന് നടത്തുന്ന അശ്രാന്തപരിശ്രമങ്ങളുടെ ഫലം കൂടിയാണീ വിജയഗാഥ.
