ഇറാന്‍ പാര്‍ലമെന്റിനുള്ളില്‍ വെടിവെയ്പ്പ്; മൂന്നു ഭീകരര്‍ വെടിയുതിര്‍ത്തതായി വാര്‍ത്താ ഏജന്‍സികള്‍
ഇറാന്‍ പാര്‍ലമെന്റിനുള്ളില്‍ വെടിവെയ്പ്പ് നടന്നതായി റിപ്പോര്‍ട്ടുകള്‍. മൂന്ന് ഭീകരര്‍ പാര്‍ലമെന്റ് മന്ദിരത്തിനുള്ളില്‍ കടന്ന് വെടിയുതിര്‍ത്തതായാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഒരു സുരക്ഷാ ഉദ്യോഗസ്ഥന് പരിക്കേറ്റതായും ഇറാനിയന്‍ വാര്‍ത്താ ഏജന്‍സികളായ ഫര്‍സ്, മെഹര്‍ എന്നിവ റിപ്പോര്‍ട്ട് ചെയ്യുന്നു.
മൂന്ന് പേരാണ് ആക്രമണത്തിന് പിന്നില്‍.എന്നാല്‍ ഇറാനിയന്‍ പാര്‍ലമെന്റിലെത്തിയ അക്രമി വെടിയുതിര്‍ത്തിട്ട് കടന്നുകളഞ്ഞതായാണ് റോയിറ്റേഴ്‌സ് റിപ്പോര്‍ട്ടുകള്‍. പുര്‍ണ്ണ റിപ്പോര്‍ട്ടുകള്‍ പുറത്തു വരുന്നതേയുള്ളൂവെന്നും റോയിറ്റേഴ്‌സ്.
