മുഖ്യമന്ത്രിയെ കരിങ്കൊടി കാണിച്ച വിദ്യാര്‍ത്ഥികള്‍ക്ക് കോടതി ജാമ്യം നിഷേധിച്ചു ; വിദ്യാര്‍ത്ഥികള്‍ ചെയ്തത് ഭീകരമായ കുറ്റം എന്ന് കോടതി
ലക്നോ : യു.പി മുഖ്യമന്ത്രി യോഗി ആദിത്യനാഥിനെതിരെ കരിങ്കൊടി കാണിച്ച 14 വിദ്യാർഥികൾക്കാണ് കോടതി ജാമ്യം നിഷേധിച്ചത്. ലക്നോ ജുഡീഷൽ മജിസ്ട്രേറ്റ് കോടതിയാണ് ജാമ്യം നിഷേധിച്ചത്. ഗൗരവകരമായ കുറ്റമാണ് ഇവർ നടത്തിയതെന്ന് പറഞ്ഞാണ് കോടതി ഇവർക്ക് ജാമ്യം നിഷേധിച്ചത്. ഇവരെ 14 ദിവസത്തെ ജുഡീഷ്യൽ കസ്റ്റഡിയിൽ അയക്കാനും കോടതി ഉത്തരവിട്ടു. ബുധനാഴ്ചയാണ് യു.പി മുഖ്യമന്ത്രി യോഗി ആദിത്യനാഥിനെതിരെ ലക്നോ യൂനിവേഴ്സിറ്റിയിലെ വിദ്യാർഥികൾ കരിങ്കൊടി കാണിച്ചത്. ഇതിൽ 14 പേരെ പൊലീസ് അറസ്റ്റ് ചെയ്യുകയും പിന്നീട് കോടതിയിൽ ഹാജരാക്കുകയുമായിരുന്നു.
