ഇന്ത്യന്‍ ക്രിക്കറ്റ് : ഇനി രവി ‘ ശാസ്ത്രീ ‘ യം, പരിശീലക സ്ഥാനത്തേയ്ക്ക് രവിശാസ്ത്രി
ഇന്ത്യന്‍ ക്രിക്കറ്റ് ടീമിന്റെ പരിശീലക സ്ഥാനത്തേയ്ക്ക് രവിശാസ്ത്രി എത്തും. 2019 ലോകകപ്പ് വരെയാണ് നിയമനം. സൗരവ് ഗാംഗുലി, സച്ചിന്‍ തെന്‍ഡുല്‍ക്കര്‍, വി.വി.എസ്. ലക്ഷമണ്‍ എന്നിവരുള്‍പ്പെട്ട സമിതിയാണ് രവിശാസ്ത്രിയെ പുതിയ പരിശീലകനായി തെരഞ്ഞെടുത്തത്. രവിശാസ്ത്രി ഇന്ത്യന്‍ ക്രിക്കറ്റ് ടീം പരിശീലകനായി വരണമെന്നായിരുന്നു ക്യാപ്റ്റന്‍ വിരാട് കോഹ്‌ലിയുടെയും താല്‍പ്പര്യം.
വിരാട് കോഹ്‌ലി ഇക്കാര്യം സമിതിയെ അറിയിക്കുകയും ചെയ്തിരുന്നു. ഇതിന് പിന്നാലെയാണ് രവിശാസ്ത്രിയെ പരിശീലകനായി നിയമിക്കാന്‍ തീരുമാനം വന്നത്. ക്യാപ്റ്റന്‍ കോഹ്‌ലിയുമായുള്ള അഭിപ്രായ ഭിന്നതകളെ തുടര്‍ന്ന് അനില്‍ കുംബ്ലെ ഇന്ത്യന്‍ പരിശീലക സ്ഥാനം രാജിവെച്ചിരുന്നു. ഈ ഒഴിവിലേയ്ക്കാണ് രവിശാസ്ത്രി എത്തുന്നത്.
