അല്‍ ബാഗ്ദാദി കൊല്ലപ്പെട്ടതായി ഐ.എസ് ; പിന്‍ഗാമിയെ ഉടന്‍ പ്രഖ്യാപിക്കും
ബാഗ്ദാദ് : ഇസ്ലാമിക് സ്റ്റേറ്റ് ഭീകര ഗ്രൂപ്പിന്റെ മുഖ്യതലവന്‍ അബൂബക്കര്‍ അല്‍ ബാഗ്ദാദി കൊല്ലപ്പെട്ടതായി സ്ഥിരീകരണം. ഐഎസ് തന്നെയാണ് ഇക്കാര്യം പടിഞ്ഞാറന്‍ മൊസൂളില്‍ ബാഗ്ദാദിയുടെ മരണം സ്ഥിരീകരിച്ചുള്ള പ്രസ്താവന മാധ്യമങ്ങള്‍ക്ക് വിതരണം ചെയ്തത്. എന്നാല്‍ എങ്ങനെയാണ് കൊല്ലപ്പെട്ടത്‌ എന്നതിന്റെ വിവരങ്ങള്‍ പുറത്ത് വിട്ടിട്ടില്ല. ഐഎസ് ഭീകരരില്‍ നിന്ന് മൊസൂള്‍ മോചിപ്പിച്ചതായി ഇറാഖ് പ്രധാനമന്ത്രി ഔദ്യോഗികമായി പ്രഖ്യാപിച്ചതിന് പിന്നാലെയാണ് ബാഗ്ദാദി കൊല്ലപ്പെട്ടതായുള്ള പ്രഖ്യാപനവും പുറത്തുവന്നിരിക്കുന്നത്. ഒമ്പത് മാസത്തെ പോരാട്ടത്തിനൊടുവിലാണ് മൊസൂള്‍ ഇറാഖി സൈന്യത്തിന് മോചിപ്പിക്കാനായത്. അതേസമയം ബാഗ്ദാദിയുടെ പിന്‍ഗാമിയെ ഉടന്‍ പ്രഖ്യാപിക്കുമെന്നും ഐഎസ് അറിയിച്ചു.
