ഫൈന്‍ ആര്ട്സ് ഇന്ത്യയുടെ ‘ഉത്സവ് 2017’ സെപ്തംബര്‍ 16ന്
വിയന്ന: ഓസ്ട്രിയയിലെ മലയാളി സംഘടനയായ ഫൈന്‍ ആര്ട്സ് ഇന്ത്യ വിയന്നയുടെ ‘ഉത്സവ് 2017’ സെപ്തംബര്‍ 16ന് നടക്കും. പ്രത്യേക ഓണ പരിപാടികളോടൊപ്പം ഭാരതത്തിന്റെ സ്വാതന്ത്ര്യ ദിനാചരണവും സംയുക്തമായി ഉത്സവില്‍ ആഘോഷിക്കും.
വിയന്നയിലെ ഇരുപത്തിരണ്ടാമത്തെ ജില്ലയിലെ കഗ്രാനിലുള്ള ഹൗസ് ദേര്‍ ബെഗെഗ്‌നുങില്‍ വൈകിട്ട് 6 മണിക്ക് സാംസ്‌കാരിക സമ്മേളനവും കലാപരിപാടികളും ആരംഭിക്കും. ഓസ്ട്രിയയില്‍ നിന്നുള്ള പ്രമുഖ വ്യക്തികള്‍ പരിപാടികളില്‍ പങ്കെടുക്കും.
വിവിധ രാജ്യങ്ങളില്‍ നിന്നുള്ള കലാപരിപാടികളും, മലയാളികളുടെ തനിമ വിളിച്ചോതുന്ന സാംസ്‌കാരിക ഇനങ്ങളും ആഘോഷത്തെ ശ്രദ്ധേയമാക്കും. ആഘോഷ പരിപാടികളില്‍ പ്രവേശനം സൗജന്യമായിരിക്കും.
