മലങ്കര സുറിയാനി കത്തോലിക്ക സഭയ്ക്ക് വീണ്ടും അഭിമാനനിമിഷങ്ങള്‍
തിരുവനന്തപുരം പാറശാല കേന്ദ്രമാക്കി പുതിയ ഭദ്രാസനം-ബിഷപ് ഡോ തോമസ് മാര്‍ യൗസേബിയൂസ് പ്രഥമ മെത്രാപ്പോലീത്ത, ബിഷപ് ഡോ ഫീലിപ്പോസ് മാര്‍ സ്‌തേഫാനോസ് അമേരിക്കന്‍ ഭദ്രാസനത്തിന്റെ പുതിയ അദ്ധ്യക്ഷന്‍, റവ.ഡോ ജോര്‍ജ്ജ് കാലായില്‍ കര്‍ണ്ണാടക പുത്തൂര്‍ ഭദ്രാസനത്തിന്റെ പുതിയ മെത്രാപ്പോലീത്ത, റവ.ഡോ.ജോണ്‍ കൊച്ചുതുണ്ടില്‍ കൂരിയ ബിഷപും യൂറോപ്പ്, ഓഷ്യാനിയ എന്നിവയുടെ അപ്പോസ്‌തോലിക വിസിറ്റേറ്ററുമായി.
തിരുവനന്തപുരത്ത് സഭയുടെ ആസ്ഥാനമായ കാതോലിക്കേറ്റ് സെന്ററില്‍ സഭയുടെ തലവനും പിതാവുമായ അത്യുന്നത കര്‍ദ്ദിനാള്‍ മോറാന്‍ മോര്‍ ബസേലിയോസ് ക്ലീമീസ് കാതോലിക്കാ ബാവയാണ് ഫ്രാന്‍സിസ് മാര്‍പാപ്പായുടെ നിയമന കല്പന അറിയിച്ചത്. ഇതോടെ മലങ്കര കത്തോലിക്കാ സഭക്ക് 11 ഭദ്രാസനങ്ങളും ഒരു എക്‌സാര്‍ക്കേറ്റുമായി.
