മനുഷ്യ ശരീരം വെട്ടി നുറുക്കി യാത്രാ ബാഗുകളിലാക്കി ഉപേക്ഷിച്ചു; ‘ഓം’ ചിഹ്നം നോക്കി പോലീസ്
ഡല്‍ഹിയിലെ നജാഫ്ഗഢില്‍ മനുഷ്യശരീരം വെട്ടിനുറുക്കി യാത്രാ ബാഗുകളിലാക്കി ഉപേക്ഷിച്ച നിലയില്‍ കണ്ടെത്തി. ഞായറാഴ്ച രാവിലെ ശുചീകരണ തൊഴിലാളികളാണ് വിജനമായ പ്രദേശത്ത് ബാഗ് കണ്ടെത്തിയത് .
ഏകദേശം 35 വയസ്സിനടുത്ത പ്രായം തോന്നിക്കുന്ന ആളെ പക്ഷെ തിരിച്ചറിഞ്ഞിട്ടില്ല.
കൈ കാലുകളും ശരീരത്തിന്റെ പല ഭാഗങ്ങളും കഷ്ണങ്ങളാക്കിയ നിലയിലാണെന്നും പോലീസ് പറഞ്ഞു. പ്രാഥമിക പരിശോധനയ്ക്ക് ശേഷം കേസ് രജിസ്റ്റര്‍ ചെയ്തു. മൃതദേഹം പോസ്റ്റ്‌മോര്‍ട്ടം നടത്താനായി ആശുപത്രിയിലേക്ക് മാറ്റി.
മൃതദേഹത്തിന്റെ കയ്യില്‍ പതിപ്പിച്ച ‘ഓം’ ചിഹ്നം അന്വേഷണത്തെ സഹായിക്കുമെന്നാണ് പോലീസിന്റെ നിഗമനം. ബാഗിന് സമീപം രക്തപ്പാടുകള്‍ ഒന്നും തന്നെ കണ്ടെത്തിയിട്ടില്ലെന്നും മറ്റെവിടെയെങ്കിലും വച്ച് കൊലപാതകം നടത്തി ഇവിടെ ഉപേക്ഷിച്ചതാവാമെന്നുമാണ് പോലീസ് കരുതുന്നത്.
