ഇന്തോ – അറബ് സൗഹൃദ ബന്ധത്തിന്റെ ഏറ്റവും പുതിയ ആവിഷ്‌കാരവുമായി ഭാരതത്തിന്റെ സ്വാതന്ത്ര്യ ദിനാഘോഷം (വീഡിയോ)
അബുദാബി: ഭാരതത്തിന്റെ സ്വാതന്ത്ര്യ ദിനം വ്യത്യസ്തമായ രീതിയില്‍ ആഘോഷിക്കുകയാണ് അബുദാബിയിലെ ഒരു കൂട്ടം പ്രവാസി കലാകാരന്മാര്‍.
ഇന്തോ – അറബ് സൗഹൃദ ബന്ധത്തിന്റെ ഏറ്റവും പുതിയ ആവിഷ്‌കാരമാണ് ‘ഭാരത് – ഇ – ഇമാറാത്’ എന്ന പേരില്‍ ഒരുക്കി സോഷ്യല്‍ മീഡിയയില്‍ റിലീസ് ചെയ്ത രണ്ടു മിനിറ്റു ദൈര്‍ഘ്യം മാത്രമുള്ള ദൃശ്യാനുഭവം. ആശയം: അബ്ദുല്‍ സലാം, ഛായാഗ്രഹണം: മെഹ്റൂഫ് അഷ്റഫ്, എഡിററിംഗ്: മുഹമ്മദ് സക്കീര്‍, സംഗീതം: രഞ്ജു രവീന്ദ്രന്‍, സ്റ്റുഡിയോ: സിനക്‌സ് മീഡിയ. സംവിധാനം: നാസ്സര്‍ അയിരൂര്‍.
മാതൃരാജ്യ ത്തിന്റെ ആഘോഷ ങ്ങളില്‍ പ്രവാസ ഭൂമികയില്‍ ഇരുന്നു കൊണ്ട് പങ്കാളികള്‍ ആവുന്നതിനായി തങ്ങള്‍ പ്രവര്‍ത്തിക്കുന്ന മേഖല തന്നെ തെരഞ്ഞെടുത്തിരിക്കുകയാണ് സിനക്‌സ് മീഡിയയിലെ സാങ്കേതിക വിദഗ്ധരും കലാകാരന്മാരും.