അഭിമാനം തോന്നുന്നു സലീമേട്ടോ.. ആദ്യമായി 35 രൂപ പ്രതിഫലം തന്ന എന്റെ ഗുരു.. ഫേസ്ബുക്ക് പോസ്റ്റ് വൈറലാകുന്നു
ദേശീയ ചലച്ചിത്ര അവാര്‍ഡ് ജേതാവ് സലീം കുമാര്‍ രചനയും സംവിധാനവും നിര്‍വ്വഹിച്ച് ഉടനെ പുറത്തിറങ്ങാന്‍ പോകുന്ന സിനിമ കറുത്ത ജൂതനെക്കുറിച്ചും നടന്‍ സലീം കുമാറിനെക്കുറിച്ചും ജയസൂര്യ തന്റെ ഫേസ്ബുക്ക് പേജില്‍ പങ്കുവച്ച പോസ്റ്റ് വൈറലാകുന്നു. ഈ മാസം 18ന് തിയ്യറ്ററില്‍ എത്തുന്ന ചിത്രത്തെക്കുറിച്ചും അനുഭവങ്ങളും ജയസൂര്യ ഫേസ്ബുക്കില്‍ കുറിച്ചു.
ജയസൂര്യയയുടെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം
സലീമേട്ടനുമായുള്ള ബന്ധത്തെ കുറിച്ച് ഒരുപാട് പറയാനുണ്ട്.. ഈ ഫ്‌ളാഷ് ബാക്കുകള്‍ എന്നും ഒരു lag ആയതു കൊണ്ട് അത്രയും പറയുന്നില്ല. എന്തായാലും ഞാന്‍ അടുത്ത് പരിചയപ്പെട്ട ,എനിയ്ക്ക് ആദ്യമായി മിമിക്രിക്ക് 35 രൂപ പ്രതിഫലം തന്ന എന്റെ ആദ്യ ഗുരു.ആ മിമിക്രിക്കാരനില്‍ നിന്ന് സലിമേട്ടന്‍ മികച്ച നടനുള്ള national award വാങ്ങി. ഇന്നിതാ ”കറുത്ത ജൂതന്’ എന്ന സിനിമയക്ക് കഥയും, തിരക്കഥയും, സംഭാഷണവും, രചിച്ച് അത് സംവിധാനവും ചെയ്തിരിയ്ക്കുന്നു. ഈ വര്‍ഷത്തെ നല്ല കഥയ്ക്കുള്ള kerala stateഅവാര്‍ഡും ഈ ചിത്രത്തിന് തന്നെ .അഭിമാനം തോന്നുന്നു സലീമേട്ടോ…. ഈ മാസം 18 ന് റിലീസ് ചെയ്യാന്‍ പോകുന്ന ‘കറുത്ത ജൂതന്’ വേണ്ടി ഞങ്ങള്‍ കാത്തിരിയ്ക്കുന്നു. ഇനിയും ഇതുപോലെയുള്ള മികച്ച ചിത്രങ്ങള്‍ സലീമേട്ടന് സംവിധാനം ചെയ്യാന്‍ കഴിയട്ടെ എന്ന്, അതില്‍ എല്ലാം നായകനായി അഭിനിയക്കാന്‍ പോകുന്ന സലീമേട്ടന്റെ സ്വന്തം ജയസൂര്യ.
