നടി ആക്രമിക്കപ്പെട്ട സംഭവം ; പോലീസ് രമ്യാനമ്പീശന്‍റെ മൊഴി എടുത്തു
കൊച്ചി : നടി ആക്രമിക്കപ്പെട്ട സംഭവത്തില്‍ നടി രമ്യാ നമ്പീശന്റെ മൊഴി അന്വേഷണ സംഘം രേഖപ്പെടുത്തി. എഡിജിപി ബി.സന്ധ്യയുടെ നേതൃത്വത്തിലാണ് മൊഴി രേഖപ്പെടുത്തിയത്. മൊഴി രേഖപ്പെടുത്താനായി രമ്യയെ ആലുവ പോലീസ് ക്ലബിലേക്ക് പോലീസ് വിളിച്ചുവരുത്തിയിരുന്നു. ആക്രമിക്കപ്പെട്ട നടിയുടെ ഉറ്റസുഹൃത്താണ് രമ്യ. ഇത് കൂടി പരിഗണിച്ചാണ് അന്വേഷണ സംഘം വിവരങ്ങള്‍ ചോദിച്ചറിഞ്ഞത്. കേസുമായി ബന്ധപ്പെട്ട സംവിധായകനും നിര്‍മാതാവുമായ എം.രഞ്ജിത്തിന്റെ മൊഴി പോലീസ് ബുധനാഴ്ച രേഖപ്പെടുത്തിയിരുന്നു.
കൂടാതെ സിനിമാ മേഖലയിലുള്ള നിരവധി പേരെ കേസില്‍ ഇതിനോടകം ചോദ്യം ചെയ്തിട്ടുണ്ട്. നടന്‍ സിദ്ധീഖ്. സംവിധായകന്‍ നാദിര്‍ഷാ, ഗായിക റിമി ടോമി, മഞ്ജുവാര്യര്‍, കാവ്യമാധവന്‍ തുടങ്ങി നിരവധി പേരെ പോലീസ് ചോദ്യം ചെയ്തു കഴിഞ്ഞു.രമ്യയുടെ വീട്ടിലേക്ക് പോകുമ്പോഴായിരുന്നു നടിയെ പള്‍സര്‍ സുനിയും സംഘവും തട്ടിക്കൊണ്ടു പോയത്.
