രണ്ടാം ഏക ദിനം: ടോസ് ജയിച്ച ഇന്ത്യ ലങ്കയെ ബാറ്റിങിനയച്ചു
കാന്‍ഡി: ശ്രീലങ്കയ്‌ക്കെതിരായ രണ്ടാം ഏകദിനത്തില്‍ ടോസ് നേടിയ ഇന്ത്യ ലങ്കയെ ബാറ്റിങിനയച്ചു. ആദ്യ ഏകദിനത്തില്‍ 9 വിക്കറ്റിന്റെ ആധികാരിക വിജയമ സ്വന്തമാക്കിയ ഇന്ത്യ മാറ്റങ്ങളൊന്നുമില്ലാതെയാണ് രണ്ടാം ഏകദിനത്തിലും ഇറങ്ങുന്നത്.
എന്നാല്‍ ടെസ്‌റ് മത്സരത്തിലെ ദയനീയ പ്രകടനവും, ഒന്നാം ഏകദിനത്തില്‍ ഏറ്റ കനത്ത തോല്‍വിയും മറക്കാന്‍ ഒരു വിജയം കൊതിച്ചാണ് ശ്രീലങ്ക ഇന്നത്തെ മത്സരത്തിനിറങ്ങുന്നത്. കഴിഞ്ഞ മത്സരത്തില്‍ നിന്നും മൂന്നു മാറ്റങ്ങളാണ് ശ്രീലങ്കന്‍ നിരയിലുള്ളത്.
തിസേര പെരേര, വനിഡു ഹസരംഗ, ലക്ഷണ്‍ സണ്ടക്കന്‍ എന്നിവര്‍ക്കു പകരം ദുശ്മന്ത ചമീര, അഖില ദനജ്ഞനേയ, സിരിവര്‍ഡന തുടങ്ങിയവര്‍ ശ്രീലങ്കന്‍ നിരയില്‍ കളിക്കും.
