കൊല്ലത്ത് മല്‍സ്യ ബന്ധന ബോട്ടില്‍ വിദേശകപ്പലിടിച്ച് അപകടം
കൊല്ലം: കൊല്ലത്ത് മത്സ്യബന്ധന ബോട്ടില്‍ വള്ളത്തില്‍ കപ്പല്‍ ഇടിച്ച് അപകടം. കൊല്ലം തീരത്തുനിന്ന് 39 നോട്ടിക്കല്‍ മൈല്‍ അകലൊണ് അപകടം നടന്നത്.
ഉച്ചക്ക് 12.30 ഓടെയായിരുന്നു അപകടമുണ്ടായത്. മത്സ്യബന്ധനത്തിന് പോയ വേളാങ്കണ്ണി എന്ന ബോട്ടില്‍ കറ്റാലിയ എന്ന വിദേശകപ്പല്‍ വന്നിടിക്കുകയായിരുന്നു.
അപകട സമയത്ത് ആറുപേര്‍ വള്ളത്തിലുണ്ടായിരുന്നു. ഇടിയുടെ ആഘാതത്തില്‍ വള്ളം പൂര്‍ണമായി തകര്‍ന്നു. അന്താരാഷട്ര കപ്പല്‍ ചാലിലാണ് അപകടം നടന്നിരിക്കുന്നതെന്നാണ് വിവരം. അപകടത്തില്‍പ്പെട്ടവരെ രക്ഷിക്കുന്നതിനായി നാവികസേനയുടെ സഹായം തേടിയതായി മന്ത്രി മേഴ്സിക്കുട്ടിയമ്മ അറിയിച്ചു. രക്ഷാപ്രവര്‍ത്തനം പുരോഗമിക്കുന്നു.
