മോഷണം ചെറുക്കാനുള്ള ശ്രമത്തിനിടെ ഓട്ടോയില്‍ നിന്നു വീണ് വീട്ടമ്മയ്ക്ക് ഗുരുതര പരിക്ക്
മോഷണം ശ്രമം ചെറുക്കാനുള്ള ശ്രമത്തിനിടെ ഓട്ടോയില്‍ നിന്ന് വീണ വീട്ടമ്മയ്ക്ക് ഗുരുതര പരിക്ക്. ഡല്‍ഹിയിലെ നോയിഡയില്‍ ഇക്കഴിഞ്ഞ തിങ്കളാഴ്ചയായിരുന്നു സംഭവം.
ഉത്തരാഖണ്ഡ് സ്വദേശിനിയായ ജ്യോതി ബക്ഷി ആണ് ബൈക്കിലെത്തിയ സംഘത്തിന്റെ മോഷണ ശ്രമത്തിനിടെ രക്ഷപ്പെടാന്‍ നോക്കുന്നതിനിടയിലായിരുന്നു ഓട്ടോയില്‍ നിന്നും വീണത്. ഇവരെ തലയ്ക്ക് ഗുരുതരമായി പരിക്കേറ്റ നിലയില്‍ ആശുപത്രിയില്‍ പ്രവേശിപ്പിച്ചു.
ഡല്‍ഹിയില്‍ മെഡിക്കല്‍ ട്രാന്‍സ്‌ക്രിപ്ഷനിസ്റ്റ് ആയി ജോലി ചെയ്യുന്ന മകളെ സന്ദര്‍ശിക്കാനെത്തിയതായിരുന്നു ജ്യോതി. ബസ് സ്റ്റാന്റിലേക്കുള്ള ഓട്ടോ യാത്രയ്ക്കിടെ ഹെല്‍മറ്റ് ധരിച്ച് ബൈക്കിലെത്തിയ സംഘം ജ്യോതിയുടെ കയ്യിലെ പേഴ്‌സ് തട്ടിയെടുക്കാന്‍ ശ്രമിക്കുകയായിരുന്നു.
ഇവരെ തടയാന്‍ ശ്രമിക്കുന്നതിനിടെ ജ്യോതി ബാലന്‍സ് തെറ്റ് ഓട്ടോയില്‍ നിന്നും പുറത്തേക്ക് തെറിച്ചുവീണു. റോഡില്‍ തലയിടിച്ചു വീണ് അബോധാവസ്ഥയിലായ ജ്യോതിയെ സുശാസ്ത്ര ട്രോമ സെന്ററില്‍ പ്രവേശിപ്പിച്ചു. രണ്ട് ദിവസത്തെ പരിചരണത്തിനു ശേഷം മാത്രമാണ് ജ്യോതി സാധാരണ നിലയിലേക്ക് തിരിച്ചെത്തിയതെന്ന് മകള്‍ മേഹക് പറഞ്ഞു.
