ബ്ലൂവെയില്‍ സ്ഥിരീകരിച്ചു; തമിഴ്‌നാട്ടില്‍ കോളജ് വിദ്യാര്‍ഥി ആത്മഹത്യ ചെയ്തു; കയ്യില്‍ തിമിംഗലത്തിന്റെ ചിത്രം
ബ്ലൂവെയില്‍ ഗെയിം കളിച്ച തമിഴ് വിദ്യാര്‍ഥി ആത്മഹത്യ ചെയ്തു. മധുര തിരുമംഗലത്തുള്ള വിഘ്‌നേഷ് 19 ആണ് ആത്മഹത്യ ചെയ്തത്. മന്നാര്‍ കോളജിലെ രണ്ടാം വര്‍ഷവിദ്യാര്‍ഥിയാണ് വിഘ്‌നേഷ്. ബുധനാഴ്ച വൈകിട്ട് 4.15 നാണ് വിഘ്‌നേഷിനെ തൂങ്ങിമരിച്ച നിലയില്‍ കണ്ടെത്തുന്നത്.
വിഘ്‌നേഷിന്‍െ ഇടം കൈയില്‍ ബ്ലെയ്ഡുപയോഗിച്ച് തിമിംഗലത്തിന്റെ ചിത്രത്തോടൊപ്പം ബ്ലൂവെയില്‍ എന്നും എഴുതിയിട്ടുണ്ട്. eവിഘ്‌നേഷിന്റെ മുറിയില്‍ നിന്ന് ലഭിച്ച കുറിപ്പില്‍ താന്‍ ബ്ലൂവെയില്‍ കെണിയില്‍ പെട്ടുവെന്ന് വ്യക്തമാക്കുന്നുമുണ്ട്.
ബ്ലൂവെയില്‍ വെറുമൊരു കളിയല്ല അപകടകാരിയാണെന്നും ഒരിക്കല്‍ നിങ്ങള്‍ ഇതില്‍ പ്രവേശിച്ചാല്‍ പിന്നീട് തിരിച്ചുവരാന്‍ സാധിക്കില്ലെന്നും വിഘ്‌നേഷിന്റെ ആത്മഹത്യാകുറിപ്പില്‍ പറയുന്നു.
അതേ സമയം സുഹൃത്തുക്കളും വിഘ്‌നേഷ് ബ്ലൂവെയില്‍ കളിച്ചിരുന്നതായി വെളിപ്പെടുത്തിയിട്ടുണ്ട് . ഫോണില്‍ ഇതിനായി പ്രത്യേകം ആപ്പുകളാന്നുമില്ലെന്നും എന്നാല്‍ വിഘ്‌നേഷിന് പലപ്പോഴും ഫോണില്‍ സന്ദേശങ്ങളായോ കോളുകളായോ നിര്‍ദ്ദേശങ്ങള്‍ വരാറുണ്ടായിരുന്നുവെന്നും അവര്‍ പറയുന്നു.
