ഇതിഹാസ താരം പെലെയെയും പിന്നിലാക്കി ക്രിസ്റ്റ്യാനോ കുതിക്കുന്നു

മാഡ്രിഡ്: ഗോളടിയില്‍ ഫുട്‌ബോള്‍ ഇതിഹാസം പെലെയേയും മറികടന്ന് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. അന്തരാഷ്ട്ര മത്സരങ്ങളില്‍ 77 ഗോള്‍ എന്ന പെലെയുടെ റെക്കോര്‍ഡാണ് പോര്‍ച്ചുഗീസ് താരം ഇന്നലെ പഴങ്കഥയാക്കിയത്. 144 മത്സരങ്ങളില്‍ നിന്ന് 78 ഗോളുകള്‍ നേടിയാണ് ക്രിസ്റ്റിയാനോ പെലെയെ പിന്നിലാക്കിയത്. 92 മത്സരങ്ങളില്‍ നിന്നാണ് 77 ഗോളുകലാണ് ബ്രസീല്‍ ഇതിഹാസം പെലെ നേടിയിട്ടുള്ളത്.

ഇന്നലെ നടന്ന ലോകകപ്പ് യോഗ്യത മത്സരത്തിലായിരുന്നു ഹാട്രിക്കടക്കം ക്രിസ്റ്റ്യോണോ പുതിയ റെക്കോര്‍ഡ് സ്വന്തമാക്കിയത്. ഫറോ ദ്വീപിനെതിരായ മത്സരത്തോടെ ലോകകപ്പ് യോഗ്യതാ ഫുട്‌ബോളില്‍ ഏറ്റവും കൂടുതല്‍ ഗോള്‍ നേടുന്ന താരം എന്ന ബഹുമതിയും ക്രിസ്റ്റ്യാനോ സ്വന്തമാക്കി. പതിനാല് ഗോള്‍ നേടിയാണ് റൊണാള്‍ഡോ റെക്കോര്‍ഡിട്ടത്.

ഇറാന്റെ ഇലി ദെയി(109), ഹംഗറിയുടെ ഫ്രാങ്ക് പുഷകാസ്(84), ജപ്പാന്റെ കുന്‍ഷിഗ കമമോട്ടോ(80),സാംബിയയുടെ ഗോഡ്‌സ ചിതാലു(79), എന്നിവരാണ് ക്രിസ്റ്റ്യാനോയ്ക്ക് മുന്നിലുള്ളത്. 78 ഗോളുമായി ഇറാഖിന്റെ ഹുസൈന്‍ സയിദിനൊപ്പമാണ് നിലവില്‍ ക്രിസ്റ്റിയാനോ.