വില്ലന്‍: ട്രെയിലര്‍ പുറത്തിറങ്ങി
കൊച്ചി: മോഹന്‍ലാല്‍ നായകനാകുന്ന വില്ലന്റെ ട്രെയിലര്‍ പുറത്തിറങ്ങി. മോഹന്‍ ലാല്‍ തന്റെ ഫെയ്സ്ബുക്ക് പേജിലൂടെയാണ് ട്രെയ്ലര്‍ പുറത്തിറക്കിയത്. ബി.ഉണ്ണികൃഷ്ണന്‍ സംവിധാനം ചെയുന്ന ചിത്രത്തില്‍ തമിഴ് സിനിമാതാരങ്ങളായ വിശാല്‍, ഹന്‍സിക എന്നിവരും പ്രധാന കഥാപാത്രങ്ങളായി എത്തുന്നു. മാത്യൂസ് മാഞ്ഞൂരാന്‍ എന്ന കഥാപാത്രമായാണ് മോഹന്‍ലാലെത്തുന്നത്. സോള്‍ട്ട് ആന്‍ഡ് പെപ്പര്‍ ഗെറ്റപ്പിനൊപ്പം മറ്റൊരു ഗെറ്റപ്പിലും മോഹന്‍ലാല്‍ വില്ലനില്‍ എത്തുന്നുണ്ട്. മഞ്ജു വാര്യര്‍, ഹന്‍സിക, സിദ്ദീഖ്, അജു വര്‍ഗ്ഗീസ്, ചെമ്പന്‍ വിനോദ് ജോസ് എന്നിവരും ചിത്രത്തിലുണ്ട്. ഒരു ക്രൈം ത്രില്ലര്‍ മൂവിയാണ് വില്ലന്‍ എന്നാണ് ട്രെയിലറില്‍ നിന്നും വ്യക്തമാകുന്നത്.
