ഈശ്വര ഞാന്‍ നല്‍കുന്ന ‘കള്ള്’ സ്വീകരിച്ചെങ്കിലും ദിലീപിനെ പുറത്തിറക്കണെ; ദിലീപിന് ജാമ്യം കിട്ടാന്‍ കള്ള് വഴിപാട് നടത്തി ആരാധകന്‍
കൊല്ലം: നടി ആക്രമിക്കപ്പെട്ട കേസില്‍ ജയിലില്‍ കഴിയുന്ന നടന്‍ ദിലീപിന് ജാമ്യം ലഭിക്കാന്‍ ആരാധകന്റെ വക ‘കള്ള്’ വഴിപാട്. കൊല്ലം പോരുവഴി പെരുവുരുത്തി മലനട ദുര്യോധന ക്ഷേത്രത്തിലാണ് വഴിപാട് നേര്‍ന്നത്. കഴിഞ്ഞ ദിവസമാണ് ദിലീപിനോട് ആരാധനമൂത്ത് ഏതോ ആരാധകന്‍ ക്ഷേത്രത്തില്‍ വഴിപാട് നേര്‍ന്നത്.
അടുക്കും കലശവു (കള്ളും ) മാണ് നേര്‍ച്ച, 70 രൂപ നല്‍കി രസീതും വാങ്ങി. ആരാധകന്‍ മനമുരുകി പ്രാര്‍ത്ഥിച്ചാണ് മടങ്ങിയതെന്ന് ദൃക്സാക്ഷികള്‍ പറയുന്നു.ആരാധാകന്റെ പ്രാര്‍ത്ഥനയില്‍ മനമുരുകി കള്ള് നേര്‍ച്ചയായി സ്വീകരിച്ച ദൈവം, ദിലീപിന്റെ ജാമ്യ വിഷയത്തില്‍ ഇടപെടുമോ എന്ന് കാത്തിരുന്നു കാണണം.
