കെപിസിസി അധ്യക്ഷനാകാന്‍ ഏറ്റവും യോഗ്യന്‍ ഉമ്മന്‍ചാണ്ടി തന്നെയെന്ന് കെ മുരളീധരന്‍, സ്ഥാനങ്ങള്‍ നല്‍കാന്‍ പാര്‍ട്ടി തയ്യാര്‍
കെ.പി.സി.സി. അധ്യക്ഷനാകാന്‍ ഏറ്റവും യോഗ്യന്‍ ഉമ്മന്‍ചാണ്ടിയാണെന്ന് കെ. മുരളീധരന്‍ എം.എല്‍.എ. അദ്ദേഹം തയ്യാറാണെങ്കില്‍ സ്ഥാനങ്ങള്‍ നല്‍കാന്‍ പാര്‍ട്ടി തയ്യാറാണെന്നും എന്നാല്‍ ഉമ്മന്‍ചാണ്ടിക്ക് അക്കാര്യങ്ങളില്‍ താല്‍പര്യമില്ലെന്നും ഉമ്മന്‍ചാണ്ടി പ്രസിഡന്റായാല്‍ പാര്‍ട്ടിയിലെ കോമ്പിനേഷന്‍ ശരിയാകുമെന്നും മുരളീധരന്‍ കൂട്ടിച്ചേര്‍ത്തു.
സ്ഥാനമാനങ്ങളില്‍ താല്‍പ്പര്യമില്ലെങ്കിലും പാര്‍ട്ടിയുടെ എല്ലാകാര്യത്തിലും ഉമ്മന്‍ചാണ്ടി മുന്നില്‍ തന്നെയുണ്ട്. പാര്‍ട്ടിയുടെ ജില്ലകളില്‍ നടക്കുന്ന കുടുംബ സംഗമങ്ങളില്‍ ഏറ്റവും കൂടുതല്‍ പങ്കെടുക്കുന്ന ആളും ഉമ്മന്‍ചാണ്ടിയാണ്.
പ്രതിപക്ഷത്തിന്റെ പ്രവര്‍ത്തനം പോരെന്നും ഉമ്മന്‍ചാണ്ടി ഉന്നതസ്ഥാനത്തിനു യോഗ്യനാണെന്നും നേരത്തേ മുരളീധരന്‍ പറഞ്ഞിരുന്നു. ഇതു വിവാദമായതിനു പിന്നാലെയാണ് പുതിയ വിശദീകരണവുമായി മുരളീധരന്‍ രംഗത്ത് വന്നത്.
