ഇതാണെന്റെ മാലാഖ; സെറീനയുടെ കുഞ്ഞിനൊപ്പമുള്ള വീഡിയോ പുറത്ത്; സോഷ്യല്‍ മീഡിയയില്‍ ഹിറ്റായത് കുഞ്ഞിന്റെ പേര്
അമേരിക്കന്‍ ടെന്നീസ് താരം സെറീന വില്യംസ് തന്റെ കുഞ്ഞിനോടൊപ്പമുള്ള ദൃശ്യങ്ങള്‍ പുറത്തുവിട്ടു. അലക്സിസ് ഒളിമ്പിയ ഒഹാനിയന്‍ ജൂനിയര്‍ എന്നാണ് സെറീന മകള്‍ക്ക് പേരിട്ടിരിക്കുന്നത്. ആദ്യ സ്‌കാനിംഗ് മുതല്‍ കുഞ്ഞ് ജനിക്കുന്നതുവരെയുള്ള സെറീനയുടെ അനുഭവങ്ങള്‍ എല്ലാം സെറീന വീഡിയോ രൂപത്തില്‍ പുറത്തുവിട്ടിട്ടുണ്ട്.
സെറീന ഇന്‍സ്റ്റഗ്രാമില്‍ പങ്കുവച്ച കുഞ്ഞിനൊപ്പമുള്ള ചിത്രം ഇതിനകം തന്നെ വൈറലായി കഴിഞ്ഞു. ആണ്‍കുട്ടികളുടെ പേരിനൊപ്പം ജൂനിയര്‍ ചേര്‍ക്കുമെങ്കിലും പെണ്‍കുട്ടികള്‍ക്ക് അങ്ങിനെ പേരിടാറില്ല. അതിനാല്‍ തന്നെ അലക്സിയയുടെ പേര് ഇതിനോടകം ചര്‍ച്ചയായി കഴിഞ്ഞു. ഈ മാസം ഒന്നിനാണ് സെറീന പെണ്‍കുഞ്ഞിന് ജന്മം നല്‍കിയത്. റെഡിറ്റ് സഹസ്ഥാപകന്‍ അലക്സിസ് ഒഹാനിയനാണ് സെറീനയെ വിവാഹം ചെയ്തിരിക്കുന്നത്.
