വിവാദ ആള്‍ ദൈവം ഗുര്‍മീത് റാം റഹീമിന്റെ ജീവിതം സിനിമയാകുന്നു; ഹണിപ്രീതിയായി എത്തുന്നത് ഹോട്ട് സുന്ദരി രാഖി സാവന്ത്
അനുയായികളായ രണ്ട് യുവതികളെ ബലാല്‍സംഗത്തിനിരയാക്കിയ സംഭവത്തില്‍ ജയിലില്‍ കഴിയുന്ന ദേര സച്ച സൗദ തലവന്‍ ഗുര്‍മീത് റാം റഹിമിന്റെ ജീവിതം സിനിമയാകുന്നു.വിചിത്രമായ ജീവിത ശൈലി കൊണ്ട് സംഭവബഹുലമായ ഗുര്‍മീതിന്റെ ജീവിതം സിനിമയാക്കുമ്പോള്‍ ഗുര്‍മീതിനോളം കുപ്രസിദ്ധിയാര്‍ജിച്ച ദത്തുപുത്രിയും കൊടുംകുറ്റവാളിയുമായ ഹണിപ്രീതിന്റെ വേഷത്തിലെത്തുന്നത് സിനിഹോട്ട് റാഖി സാവന്താണ്.
ബോളിവുഡില്‍ നിന്നുള്ള റിപ്പോര്‍ട്ടുകളനുസരിച്ച് റാസ മുറാദാണ് ചിത്രത്തില്‍ വിവാദ നായകന്‍ ഗുര്‍മീതിന്റെ വേഷത്തിലെത്തുന്നത്. അസുതോഷ് മിശ്ര സംവിധാനം ചെയ്യുന്ന ചിത്രത്തില്‍ പ്രത്യേക അന്വേഷണ ഉദ്യോഗസ്ഥനായി അജാസ് ഖാനാണ് വേഷമിടുന്നത്. വേഷങ്ങളുടെ കാര്യത്തില്‍ ഔദ്യോഗിക വിവരങ്ങള്‍ പുറത്തുവന്നിട്ടില്ലെങ്കിലും കാര്യമായ മാറ്റങ്ങള്‍ ഉണ്ടാകില്ലെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
