പുരാതന ഇന്ത്യയില്‍ ദുര്‍ഗ്ഗ ദേവി പ്രതിരോധ മന്ത്രിയും ലക്ഷ്മിദേവി ധനകാര്യ മന്ത്രിയുമായിരുന്നു എന്ന വെളിപ്പെടുത്തലുമായി ഉപരാഷ്ട്രപതി വെങ്കയ്യ നായിഡു
ഉപരാഷ്ട്രപതി വെങ്കയ്യ നായിഡുവാണ് പുരാതന ഇന്ത്യയില്‍ ദുര്‍ഗ്ഗ ദേവി പ്രതിരോധ മന്ത്രിയും ലക്ഷ്മിദേവി ധനകാര്യ മന്ത്രിയുമായിരുന്നു എന്ന വെളിപ്പെടുത്തലുമായി രംഗത്ത് വന്നത്. മൊഹാലിയില്‍ നടന്ന ഇന്ത്യന്‍ സ്‌കൂള്‍ ഓഫ് ബിസിനസ് ലീഡര്‍ഷിപ്പ് സമ്മേളനത്തില്‍ സ്ത്രീശാക്തീകരണമെന്ന വിഷയത്തില്‍ പ്രസംഗിക്കുന്നതിനിടെയാണ് നായിഡുവിന്റെ ഈ പ്രസ്താവന. അതുപോലെ ‘രാമരാജ്യമാണ് ഇന്നും ചരിത്രത്തിലെ എറ്റവും മഹത്തായ കാലഘട്ടം എന്നും എന്നാല്‍ അതിനെ കുറിച്ച് പറഞ്ഞാല്‍ ആളുകളിന്ന് വര്‍ഗ്ഗീയതയായിട്ടേ കാണൂ’എന്നും അദ്ദേഹം പറയുന്നു. തങ്ങളുടെ പൈതൃകത്തില്‍ അഭിമാനിക്കണമെന്നും വെങ്കയ്യ നായിഡു സമ്മേളനത്തില്‍ പങ്കെടുക്കാനെത്തിയവരോട് ആവശ്യപ്പെട്ടു.
‘അഫ്‌സല്‍ ഗുരുവിന്റെ വിഷയത്തില്‍ പലരും അവരുടെ അഭിപ്രായം വ്യക്തമാക്കി. ഒരു ജനാധിപത്യ രാജ്യത്ത് തന്റെ അഭിപ്രായം പറയാനുള്ള സ്വാതന്ത്ര്യം പൗരനുണ്ട്. എന്നാലത് ഭരണഘടനയുടെ ചട്ടക്കൂടിന് പുറത്ത് പോകരുത്’ എന്നായിരുന്നു അദ്ദേഹത്തിന്റെ പ്രതികരണം. ഇന്ത്യയില്‍ മതേതരത്വം കരുത്തുറ്റതാണെന്നും അതിന്റെ കാരണം രാജ്യത്തിന്റെ ഡി.എന്‍.എയാണെന്നും അസഹിഷ്ണുതയുണ്ടെന്ന് പറയുന്നത് ശരിയല്ലെന്നും വെങ്കയ്യ നായിഡു കൂട്ടിച്ചേര്‍ത്തു. കഴിഞ്ഞ ദിവസം വിമാനം കണ്ടുപിടിചത് ഇന്ത്യക്കാരന്‍ ആണെന്നും . രാമായണത്തിലെ പുഷ്പകവിമാനത്തിനെ പറ്റി കുട്ടികളെ പഠിപ്പിക്കണം എന്നും ഒരു കേന്ദ്രമന്ത്രി പറഞ്ഞിരുന്നു.
