‘നയന്‍സ്.. സൊ.. ക്യൂട്ടെന്ന്’ ആരാധകര്‍; നയന്‍ താരയുടെ അമേരിക്കയില്‍ നിന്നുള്ള പുതിയ ചിത്രം വൈറലാകുന്നു
തെന്നിന്ത്യന്‍ ലേഡീ സൂപ്പര്‍ സ്റ്റാര്‍ നയന്‍താര കാമുകന്‍ വിഘ്നേശിനൊപ്പം അമേരിക്കയില്‍ അവധിക്കാല ആഘോഷത്തിലാണ്. ഒരുപാട് സിനിമകളുടെ ഷൂട്ടിങ് തീരാനുണ്ടെങ്കിലും തിരക്കെല്ലാം മാറ്റി വച്ച് അടുത്ത സുഹൃത്തുക്കളോട് പോലും പറയാതെയാണ് നയന്‍സും കാമുകനും അമേരിക്കക്കു ഫ്‌ളൈറ്റ് പിടിച്ചത്.
സംവിധായകനും നടനുമായ വിഘ്‌നേശ് ശിവന്റെ പിറന്നാള്‍ നയന്‍സിനൊപ്പം അമേരിക്കയില്‍ നിന്നുമായിരുന്നു ആഘോഷിച്ചിരുന്നത്. അതിനിടെ ഇരുവരും ഒന്നിച്ചെടുത്ത സെല്‍ഫി ചിത്രങ്ങള്‍ വൈറലായി മാറിയിരുന്നു. വീണ്ടും നയന്‍താര പുറത്ത് വിട്ട പുതിയ ചിത്രമാണ് ഇപ്പോള്‍ സമൂഹ മാധ്യമങ്ങളില്‍ വൈറലാകുന്നത്.
ഇന്‍സ്റ്റാഗ്രാമിലൂടെയാണ് അമേരിക്കയില്‍ നിന്നുമെടുത്ത പുതിയ ഫോട്ടോസ് നയന്‍സ് ആരാധകര്‍ക്കായി പോസ്റ്റ് ചെയ്തിരിക്കുന്നത്. വെള്ള നിറത്തിലുള്ള വസ്ത്രം ധരിച്ച ചിത്രങ്ങള്‍ നയന്‍സ് ഒന്നും കൂടി സുന്ദരിയായിരിക്കുകയാണെന്നാണ് ആരാധകര്‍ പറയുന്നത്. പുറത്ത് വന്ന ഉടനെ നടിയുടെ ഈ ചിത്രവും ആരാധകര്‍ ഏറ്റെടുത്തിരിക്കുകയാണ്.
