ഷാര്‍ജ ഭരണാധികാരി അല്‍ ഖാസിമി കേരളത്തിലെത്തി; അഞ്ച് ദിവസം ഇനി കേരളത്തില്‍, മന്ത്രിമാരുമായി കൂടിക്കാഴ്ച്ച നടത്തും
ഷാര്‍ജ ഭരണാധികാരി ഡോ. ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമി കേരളത്തിലെത്തി. അദ്ദേഹത്തെ മുഖ്യമന്ത്രി പിണറായി വിജയന്റെ നേതൃത്വത്തിലുള്ള സംഘം തിരുവനന്തപുരം വിമാനത്താവളത്തില്‍ സ്വീകരിച്ചു.
അഞ്ച് ദിവസത്തെ കേരള സന്ദര്‍ശനത്തിനായാണ് ആണ് ഷേക്ക് സുല്‍ത്താന്‍ എത്തിയിരിക്കുന്നത്.
തിങ്കളാഴ്ച രാജ്ഭവനിലെത്തുന്ന സുല്‍ത്താന്‍ ഗവര്‍ണര്‍ പി. സദാശിവവുമായി കൂടിക്കാഴ്ച നടത്തും. അതിനുശേഷം മുഖ്യമന്ത്രിയും മന്ത്രിമാരുമായും അദ്ദേഹം കൂടിക്കാഴ്ച നടത്തും.
വിമാനത്താവളത്തില്‍ മുഖ്യമന്ത്രിക്കൊപ്പം മന്ത്രിമാരായ കടകംപള്ളി സുരേന്ദ്രന്‍, കടന്നപ്പള്ളി രാമചന്ദ്രന്‍, കെ.ടി. ജലീല്‍ എന്നിവരും അദ്ദേഹത്തെ സ്വീകരിക്കാന്‍ എത്തിയിരുന്നു.
