വേങ്ങരയില്‍ റെക്കോര്‍ഡ് പോളിങ് ; വിജയ പ്രതീക്ഷയില്‍ മുന്നണികള്‍
മലപ്പുറം : വേങ്ങര നിയമസഭാ ഉപതെരഞ്ഞെടുപ്പില്‍ മികച്ച പോളിങ്. വേങ്ങരയില്‍ ഇതുവരെ 70 ശതമാനം പോളിങ് നടന്നു. മണ്ഡലത്തിലെ എല്ലാ ബൂത്തുകളിലും ഇത്തവണ വന്‍ തിരക്കാണ് അനുഭവപ്പെട്ടത്. പോളിങ് അവസാനിക്കുമ്പോള്‍ 70ശതമാനം പേരാണ് വോട്ടുചെയ്യാനായി എത്തിയത്. ആകെ 165 പോളിങ് ബൂത്തുകളാണ് വോട്ടുചെയ്യാനായി തയ്യാറാക്കിയിരുന്നത്. വൈകീട്ട് ആറുവരെയായിരുന്നു വോട്ട് ചെയ്യാനുള്ള അവസരം. ആറു സ്ഥാനാര്‍ഥികളാണ് മത്സരരംഗത്തുള്ളത്. വോട്ടിങ് സമാധാനപരമായാണ് നടന്നത്. 2016ല്‍ നടന്ന നിയമസഭാ തെരഞ്ഞെടുപ്പില്‍ 70.77 ശതമാനമായിരുന്നു മൊത്തം പോളിങ്.
മലപ്പുറം ലോക്‌സഭാ ഉപതെരഞ്ഞെടുപ്പില്‍ മത്സരിക്കുന്നതിനായി പി.കെ കുഞ്ഞാലിക്കുട്ടി രാജിവെച്ചതിനെ തുടര്‍ന്നാണ് വേങ്ങരയില്‍ ഉപതെരഞ്ഞെടുപ്പ് നടന്നത്. ഒരു ലക്ഷത്തിഎഴുപതിനായിരം വോട്ടര്‍മാരാണ് മണ്ഡലത്തില്‍. പുരുഷ വോട്ടര്‍മാരാണ് കൂടുതല്‍. വേങ്ങര മണ്ഡലത്തില്‍പ്പെട്ട എല്ലാ പഞ്ചായത്തുകളിലും മികച്ച പോളിങ്ങാണ് രേഖപ്പെടുത്തിയത്. വൈകുന്നേരം ആറുവരെയായിരുന്നു വോട്ട് ചെയ്യാന്‍ അവസരം. ആകെ 165 പോളിങ് ബൂത്താണ് വോട്ടിങ്ങിനായി തയ്യാറാക്കിയിരിക്കുന്നത്. വോട്ടെടുപ്പ് പൂര്‍ത്തിയായതോടെ മു്ന്നണികള്‍ കൂട്ടലും കിഴിക്കലും തുടങ്ങി കഴിഞ്ഞു.
