ചരക്ക് വിമാനം തകര്‍ന്ന് കടലില്‍ വീണ് നാല് മരണം
അബിദ്ജാന്‍: ചരക്ക് വിമാനം തകര്‍ന്നു വീണ് നാലു മരണം. ഐവറി കോസ്റ്റിലാണ് വിമാനാപകടമുണ്ടായത്. കനത്ത പേമാരിയും മിന്നലുമുണ്ടായതിനെ തുടര്‍ന്ന് വിമാനം തകര്‍ന്നു കടലിലേക്ക് വീഴുകയായിരുന്നു. ഐവറികോസ്റ്റിലെ സുപ്രധാന അന്താരാഷ്ട്ര വിമാനത്താവളമായ അബിദ്ജാനിലിനു സമീപമാണ് അപകടമുണ്ടായത്.
ആകാശത്തേക്ക് പറന്നയുര്‍ന്ന് അധികം വൈകാതെ തന്നെ വിമാനം തകരുകയായിരുന്നു. തകര്‍ന്ന വിമാനത്തിന്റെ ചില ഭാഗം കരയിലാണ് വീണത്. അപകടത്തില്‍ മരിച്ചു രണ്ടു പേരുടെ മൃതദേഹങ്ങള്‍ കണ്ടെത്തി. ഇവര്‍ സുരക്ഷ ഉദ്യോഗസ്ഥരാണ്. ഫ്രഞ്ച് സേന ചരക്ക് കൈമാറ്റത്തിനുപയോഗിക്കുന്ന വിമാനമാണ് അപകടത്തില്‍പ്പെട്ടത്.
