മാര്‍ക്ക് കുറഞ്ഞതിന് വഴക്ക് പറഞ്ഞ അധ്യാപകനെ വിദ്യാര്‍ത്ഥി ക്ലാസ് മുറിയിലിട്ട് വെട്ടി; ഞെട്ടിക്കുന്ന വീഡിയോ പുറത്ത്
സെമസ്റ്റര്‍ പരീക്ഷയില്‍ മാര്‍ക്ക് കുറഞ്ഞതിന് വഴക്ക് പറഞ്ഞ അദ്ധ്യാപകനെ വിദ്യാര്‍ത്ഥി വെട്ടിപ്പരിക്കേല്‍പ്പിച്ചു. ഹരിയാനയിലെ ഝജാര്‍ ജില്ലയിലെ ഒരു കോളേജിലാണ് ഞെട്ടിക്കുന്ന സംഭവം ഉണ്ടായത്. ക്ലാസ്സ് മുറിയിലിരുന്ന് അധ്യാപകനെ വിദ്യാര്‍ത്ഥി പിറകിലൂടെ വന്ന് വെട്ടി പരിക്കേല്‍പ്പിക്കുന്നതിന്റെ സി.സി.ടി.വി ദൃശ്യങ്ങളാണ് പുറത്ത് വന്നിരിക്കുന്നത്.
ബാഗില്‍ ഒളിപ്പിച്ചു കൊണ്ടുവന്ന കത്തി എടുത്താണ് ഇയാള്‍ അധ്യാപകനെ വെട്ടിയത്. തലയില്‍ വെട്ടേറ്റ് പുറത്തേക്കോടിയ അധ്യാപകന്റെ പിന്നാലെ ചെന്ന് ഇയാള്‍ വീണ്ടും അധ്യാപകനെ വെട്ടുന്നത് ദൃശ്യങ്ങളില്‍ പതിഞ്ഞിട്ടുണ്ട്. സംഭവുമായി ബന്ധപ്പെട്ട് വിദ്യാര്‍ത്ഥിയെ പൊലീസ് അറസ്റ്റ് ചെയ്തിട്ടുണ്ട്.
