വിവാദങ്ങള്‍ക്ക് വഴിവെച്ച വിജയ് ചിത്രം മെര്‍സല്‍ തെലുങ്കിലും; തകര്‍പ്പന്‍ ട്രെയ്ലര്‍ പുറത്തിറങ്ങി
വിവാദങ്ങള്‍ക്ക് വഴിവെച്ച വിജയ് ചിത്രം മെര്‍സല്‍ തെലുങ്കിലും ഇറങ്ങാന്‍പോകുന്നു. ‘അദിരിന്ദി’ എന്ന പേരിലാണ് മെര്‍സലിന്റെ തെലുങ്ക് പകര്‍പ് എത്തുന്നത്. തമിഴ് റിലീസിന് ഒപ്പം തന്നെ തെലുങ്ക് ചിത്രവും റിലീസ് ചെയ്യാന്‍ ആണ് തീരുമാനിച്ചിരുന്നത്. എന്നാല്‍ സെന്‍സറിങ് പൂര്‍ത്തീകരിക്കാത്തതിനാല്‍ റിലീസ് നീളുകയായിരുന്നു. സിനിമയുംമായി ബന്ധപ്പെട്ട വിവാദം സിനിമയുടെ വിജയത്തിന് സ്വാധീനിക്കുംമോ എന്ന ആശങ്കയും നിലനില്‍ക്കുന്നുണ്ട്.
യുവ സംവിധായകന്‍ ആറ്റ്ലീ ഒരുക്കുന്ന ചിത്രത്തില്‍ വിജയ് ഡോക്ടര്‍, മജീഷ്യന്‍, തമിഴ്നാട്ടിലെ സാധാരണക്കാരന്‍ തുടങ്ങി മൂന്നു വേഷങ്ങളിലായാണ് എത്തുന്നത്. നിത്യാമേനോന്‍, സാമന്ത, കാജല്‍ അഗര്‍വാള്‍ എന്നിവര്‍ നായികമാരാകുന്നു. എ ആര്‍ റഹ്മാനാണ് സംഗീതം. ഒക്ടോബര്‍ 27ന് ചിത്രം റിലീസ് ചെയ്യും.
