ബോളിവുഡിനെ ഞെട്ടിച്ച്‌ വീണ്ടും ഷാരൂക് ഖാന്‍റെ മകള്‍ ; പുതിയ ചിത്രങ്ങളും വൈറല്‍
മുംബൈ : കിംഗ്‌ ഖാന്‍റെ മകള്‍ എന്ന പേരിലാണ് പൊതുവേ അറിയപ്പെടുന്നത് എങ്കിലും നിലവില്‍ ബോളിവുഡിലെ ഒരു താരങ്ങളുടെ മക്കള്‍ക്കും ലഭിക്കാത്ത അത്ര സ്വീകാര്യതയാണ് ഷാരൂഖിന്‍റെ മകള്‍ സുഹാനയ്ക്ക് ലഭിച്ചുകൊണ്ടിരിക്കുന്നത്. ഒരു സിനിമയില്‍ പോലും മുഖം കാണിച്ചിട്ടില്ല എങ്കിലും ബോളിവുഡ് നടിമാര്‍ക്കും മുകളിലാണ് സുഹാനയുടെ ഫോട്ടോകള്‍ക്ക് സോഷ്യല്‍ മീഡിയയില്‍ ലഭിക്കുന്ന സ്വീകരണം. താരപുത്രി എന്ന് പറയാം എങ്കിലും ബോളിവുഡ് നടിമാരുടെ കണക്ക് ഡ്രസ്സ്‌ ധരിച്ചാണ് സുഹാന പല പ്രോഗ്രാമുകളിലും പങ്കെടുക്കുന്നത്. അതെല്ലാം മീഡിയാകളില്‍ വന്‍ വാര്‍ത്തകളും ആകാറുണ്ട്. അത്തരത്തില്‍ സുഹാനയുടെ അമ്മ ഗൗരി ഖാന്‍ ഇന്‍സ്റ്റാഗ്രാമിലൂടെ പങ്കുവെച്ച മകളുടെ ചിത്രമാണ് ഇപ്പോള്‍ വൈറലായി മാറിയിരിക്കുന്നത്.
ബോളിവുഡിലെ മറ്റ് നടിമാരെക്കാള്‍ പ്രധാന്യത്തോടെയാണ് പലരും സുഹാനയെ കാണുന്നത്. താരപുത്രിയുടെ ബോളിവുഡ് പ്രവേശനം എന്നാണെന്നുള്ള കാത്തിരിപ്പിലാണ് ആരാധകര്‍.ഷാരുഖ് ഖാന്‍ ഗൗരി ഖാന്‍ ദമ്പതികളുടെ ഏക മകളാണ് സുഹാന. രണ്ട് ആണ്‍ മക്കളെക്കാളും പ്രധാന്യത്തോടെയാണ് മകളുടെ ഭാവിയെ കുറിച്ചുള്ള കാര്യങ്ങള്‍ ഷാരുഖും ഗൗരിയും നോക്കുന്നത്. പിതാവിനെ പോലെ തന്നെ പൊതുപരിപാടികളില്‍ എത്തിയാല്‍ ആരാധകര്‍ സുഹാനയുടെ പിന്നാലെ തന്നെയാണ്. ബോളിവുഡിലെ പ്രമുഖ നടിമാരെക്കാളും പ്രധാന്യത്തോടെ സുഹാനയുടെ ഫോട്ടോ എടുക്കുന്നവരുണ്ട്.
