നെയ്മര്‍ വീണ്ടും ബാഴ്‌സ ക്യാംപില്‍; ഞെട്ടിത്തരിച്ച് ഫുട്ബോള്‍ ലോകം
ബാഴ്‌സലോണ: ലോകത്തിലെ ഏറ്റവും മികച്ച ഫുടബോള്‍ ക്ലബുകളിലൊന്നായ ബാഴ്‌സിലോണയില്‍ സൂപ്പര്‍ താരമായി നില്‍ക്കെയാണ് ഏറ്റവും വലിയ ട്രാസ്ഫര്‍ തുകയ്ക്ക് ഫ്രഞ്ച് ക്ലബായ പി.എസ്.ജിയിലേക്ക് നെയ്മര്‍ കൂടുമാറുന്നത്. നെയ്മറിന്റെ ബാഴ്‌സയില്‍ നിന്നുള്ള പടിയിറക്ക0 പണം മോഹിച്ചുള്ളതാണെന്ന വാര്‍ത്തകള്‍ വരെയുണ്ടായി. ആരാധകരുടെ ഏറ്റവും പ്രിയപ്പെട്ട മെസി സുവാരസ് നെയ്മര്‍ എന്ന എം എസ് എന്‍ ത്രയത്തിനും അവസാനം നല്‍കി നെയ്മര്‍ ബാഴ്‌സ വിട്ടപ്പോള്‍ ആരാധകരുടെ രോക്ഷവും നെയ്മര്‍ കാണേണ്ടി വന്നു.
എന്നാല്‍ ഇവര്‍ തമ്മിലുള്ള സൗഹൃദത്തിന് ഇപ്പോഴും കുറവുണ്ടായിട്ടില്ല. അര്‍ജന്റീന ലോകകപ്പ് യോഗ്യത നേടാന്‍ വിഷമിച്ചുനിന്ന ഘട്ടത്തില്‍ മെസിക്ക് പിന്തുണയുമായി നെയ്മര്‍ രംഗത്തെത്തിയിരുന്നു.ഇപ്പോഴിതാ കാല്‍പന്തുലോകത്തെ വീണ്ടും ഞെട്ടിച്ചുകൊണ്ട് നെയ്മര്‍ ബാഴ്‌സ ക്യാംപിലെത്തിയാണ് ഫുടബോള്‍ ലോകത്തെ പുതിയ വാര്‍ത്ത. ബാര്‍സലോണയുടെ ജൂനിയര്‍ ട്രെയിനിങ് ക്യാംപാണ് നെയ്മര്‍ സന്ദര്‍ശിച്ചത്.
Así eran nuestros dias, yo contando las noticias 🤣😂 Messi @LuisSuarez9 me alegro verlos hermanos pic.twitter.com/QiXphRKGyh
— Neymar Jr (@neymarjr) October 29, 2017
ബാര്‍സ ക്യാംപ് സന്ദര്‍ശിച്ച ചിത്രങ്ങള്‍ നെയ്മര്‍ തന്നെയാണ് പുറത്തുവിട്ടത്. മെസ്സി, സുവാരസ് എന്നിവര്‍ക്കൊപ്പം സന്തോഷം പങ്കിടുന്ന ചിത്രങ്ങളാണ് നെയ്മര്‍ സോഷ്യല്‍ മീഡിയയിലൂടെ പുറത്തുവിട്ടത്.
— Alia Bhatt ✴ (@Aliaabatt) October 29, 2017
ബാഴ്‌സയില്‍ നിന്ന് പടിയിറങ്ങിയ നെയ്മറിനെതിരെ ബാഴ്‌സ ആരാധകര്‍ കടുത്ത പ്രതിഷേധവുമായി രംഗത്ത് വന്നിരുന്നു. തെരുവുകളിലും ഗ്യാലറികളിലും നെയ്മറിനെതിരായ പ്രതിഷേധവുമായി ബാഴ്‌സ ആരാധകര്‍ രംഗത്തെത്തിയിരുന്നു.എന്തായാലും നെയ്മര്‍ വീണ്ടും ബാഴ്‌സ ക്യാംപിലെത്തിയതോടെ ആരാധകരുടെ രോഷം കെട്ടടങ്ങുമെന്നാണ് പ്രതീക്ഷിക്കപ്പെടുന്നത്.
