മമ്മൂട്ടിയുടെ “ഉണ്ട” വരുന്നു; ഞെട്ടണ്ട ഉള്ളതാ
കൊച്ചി: മെഗാതാരത്തിന്റെ പുതിയ ചിത്രത്തിന്റെ പേര് കേട്ടവര്‍ കേട്ടവര്‍ ഞെട്ടി എന്നതാണ് സത്യം. അനുരാഗ കരിക്കിന്‍ വെള്ളം ഒരുക്കിയ ഖാലിദ് റഹ്മാനാണ് മമ്മൂട്ടിയെ വെച്ച് ഉണ്ട ഉണ്ടാക്കുന്നത്. ചിത്രത്തിന്റെ അണിയറ പ്രവര്‍ത്തകരെ കുറിച്ചോ മറ്റു കഥാപാത്രങ്ങളെ കുറിച്ചോ ഉള്ള വിവരങ്ങള്‍ ഇപ്പോള്‍ പുറത്തുവന്നിട്ടില്ല. അജയ് വാസുദേവ് സംവിധാനം ചെയ്യുന്ന മാസ്റ്റര്‍പീസ്, ശ്യാംദത് സൈനുദീന്‍ ഒരുക്കുന്ന സ്ട്രീറ്റ് ലൈറ്റ്‌സ് എന്നീ ചിത്രങ്ങളാണ് മമ്മൂട്ടിയുടെ ഉടന്‍ വരാനിരിക്കുന്ന റിലീസുകള്‍. അതുപോലെ ബിഗ് ബജറ്റ് ചിത്രമായ മാമാങ്കവും മെഗാസ്റ്റാറിന്റെ പുതിയ ചിത്രങ്ങളില്‍ ഒന്നാണ്.
ബിജു മേനോന്‍, ആസിഫ് അലി, രജീഷ് വിജയന്‍ എന്നിവരെ കേന്ദ്ര കഥാപാത്രങ്ങളാക്കി ഖാലിദ് റഹ്മാന്‍ ഒരുക്കിയ തന്റെ ആദ്യ സംവിധാന സംരംഭമായിരുന്നു അനുരാഗ കരിക്കിന്‍ വെള്ളം. പേരിലെ കൗതുകം പോലെ തന്നെ ചിത്രവും കൗതുകം ഉണര്‍ത്തുന്നതായിരുന്നു. ഉണ്ട’ എന്ന് പേരിട്ടിരിക്കുന്ന ഈ ചിത്രത്തിന്റെ പേരുപോലെ തന്നെ വൃത്യസ്ത്ഥമായിരിക്കും ചിത്രത്തിന്റെ പ്രേമേയവും എന്ന് സംവിധായകന്‍ പറയുന്നു.
