ഇസ്ലാമില്‍ അവിഹിത ബന്ധത്തില്‍ ഉണ്ടായ പെണ്‍മക്കളുമായി അച്ഛന് ലൈംഗിക ബന്ധം അനുവദനീയം എന്ന് മത പണ്ഡിതന്‍
ഈജിപ്തിലെ മത പണ്ഡിതനായ മസെന്‍ അല്‍ സെര്‍സാവി എന്ന മത പണ്ഡിതനാണ് വിവാദമായ ഇത്തരം പ്രസ്താവനകള്‍ ഇറക്കിയിരിക്കുന്നത്. അവിഹിത ബന്ധത്തില്‍ ഉണ്ടായ പെണ്‍മക്കളുമായി അവരുടെ അച്ഛന് ലൈംഗിക ബന്ധത്തില്‍ ഏര്‍പ്പെടാമെന്നാണ് ഇയാള്‍ പറഞ്ഞത്. ഇയാള്‍ പറയുന്നതനുസരിച്ച് അത്തരത്തിലുണ്ടാകുന്ന പെണ്‍കുട്ടികളെ അച്ഛന് വിവാഹം കഴിക്കുകയും ചെയ്യാം. അവിഹിത ബന്ധത്തില്‍ പിറക്കുന്ന കുട്ടി ഒരു പുരുഷനെ സംബന്ധിച്ച് മകളല്ല. ഇക്കാര്യം ഷരിയാ നിയമത്തിലുണ്ടെന്നും ഇയാള്‍ വാദിക്കുന്നു. ഇമാം അല്‍ ഷാഫി എന്ന മത പണ്ഡിതന്റെ അഭിപ്രായങ്ങള്‍ ശരിവച്ചുകൊണ്ടാണ് മസെന്‍ അല്‍ സെര്‍സാവി ഇത്തരം അഭിപ്രായം പറയാന്‍ മുതിര്‍ന്നത്.
അല്‍ അസര്‍ എന്ന ഈജിപ്റ്റിലെ ഒരു യൂണിവേഴ്‌സിറ്റിയില്‍ ഇയാള്‍ പഠിപ്പിക്കുന്നുമുണ്ട്. അവിഹിത ബന്ധം എന്ന വാക്കുതന്നെ മത സദാചാര വാദികളുടെ കണ്ടെത്തലായതിനാല്‍ അവിടം മുതലേ എതിര്‍പ്പുകളുയരുന്നുണ്ട്. മകളെ വിവാഹം കഴിക്കുക എന്ന അഭിപ്രായ പ്രകടനത്തില്‍ ഇയാളുടെ സമനിലയെത്തന്നെ ചിലര്‍ ചോദ്യം ചെയ്യുന്നു. അതേസമയം ഇയാള്‍ ഇക്കാര്യം പറഞ്ഞിട്ട് വളരെക്കാലമായെന്നും ഇപ്പോള്‍ മാത്രമാണ് ഇതിന്റെ വീഡിയോ ഇന്റര്‍നെറ്റില്‍ പ്രത്യക്ഷമാകുന്നതെന്നും സൂചനയുണ്ട്. ഇയാള്‍ ഇക്കാര്യം പറയുന്ന വീഡിയോ ചുരുങ്ങിയ സമയം കൊണ്ടുതന്നെ ലോകമെമ്പാടുമുള്ള ആളുകള്‍ കണ്ടുകഴിഞ്ഞു. അതുപോലെ ഡെയ്‌ലി മെയില്‍ ഉള്‍പ്പെടെ മിക്ക അന്താരാഷ്ട്ര മാധ്യമങ്ങളും വാര്‍ത്ത വലിയ പ്രാധാന്യത്തോടെയാണ് നല്‍കിയിരിക്കുന്നത്.
