കൊച്ചിയില്‍ നാവികസേനയുടെ ആളില്ലാവിമാനം തകര്‍ന്നുവീണു; ദുരന്തം ഒഴിവായത് തലനാരിഴക്ക്
കൊച്ചിയില്‍ നാവികസേനയുടെ ആളില്ല വിമാനം പരിശീലന പറക്കലിനിടെ തകര്‍ന്നുവീണു. ഇസ്രായേല്‍ നിര്‍മിത വിമാനമാണ് പരിശീലനത്തിനിടെ അപകടത്തില്‍ പെട്ടത്. ഉപരാഷ്ട്രപതി എത്തുന്നതിന് തൊട്ടു മുമ്പാണ് നാടിനെ നടുക്കിയ സംഭവം. വെല്ലിങ്ങ്ടണ്‍ ഐലന്റിന് സമീപത്തെ എച്ച എച്ച് എ ഇന്ധനടാങ്ക് ടെര്‍മിനലിന് സമീപമാണ് വിമാനം തകര്‍ന്നു വിണത്. പൂര്‍ണമായും റിമോട്ടുകൊണ്ട് പ്രവര്‍ത്തിക്കുന്നതാണ് ഈ വിമാനം. പോലീസും ഫയര്‍ഫോഴ്സും അപകടസ്ഥലത്ത് എത്തിയിട്ടുണ്ട്. വന്‍ദുരന്തം ഒഴിവായത് തലനാരിഴക്ക്.
