വനിതാ ജഡ്ജിയെ തട്ടിക്കൊണ്ടുപോകാന്‍ ശ്രമിച്ച കാര്‍ ഡ്രൈവര്‍ അറസ്റ്റില്‍
വനിതാ ജഡ്ജിയെ തട്ടിക്കൊണ്ടു പോകാന്‍ ശ്രമിച്ച കാര്‍ ഡ്രൈവറെ പോലീസ് അറസ്റ്റ് ചെയ്തു. ഡല്‍ഹിയിലാണ് സംഭവം. കര്‍കാര്‍ദോമ കോടതിയിലേക്ക് പോകുന്നതിനായി കാറില്‍ കയറിയ ജഡ്ജിയെ ഡ്രൈവര്‍ എന്‍.എച്ച്- 24-ല്‍ കൂടി ഹാപ്പര്‍ മേഖലയിലേക്ക് വാഹനം ഓടിക്കുകയായിരുന്നു. ഇതുകണ്ട ജഡ്ജി ഉടന്‍ തന്നെ പോലീസിനെയും സഹപ്രവര്‍ത്തകരെയും വിവരമറിയിക്കുകയായിരുന്നു. അതിനുശേഷം എന്‍.എച്ച് 24 ലില്‍ കൂടി കുറേ നേരം മുന്നോട്ട് പോയ ഡ്രൈവര്‍ കാര്‍ ഡല്‍ഹി ഭാഗത്തേക്ക് തിരിക്കുകയായിരുന്നു. തുടര്‍ന്ന് ഗാസിപുര്‍ ടോള്‍ പ്ലാസയില്‍ വാഹനം കുടുങ്ങിയതിനെ തുടര്‍ന്ന് പോലീസ് എത്തി ഡ്രൈവറെ അറസ്റ്റ് ചെയ്യുകയായിരുന്നു.
സ്വകാര്യ ഏജന്‍സിയുടെ ഡ്രൈവറാണ് ജഡ്ജിയുടെ വാഹനം ഓടിച്ചിരുന്നത്. വഴി തെറ്റിയാണ് കാര്‍ പോകുന്നത് എന്ന് മനസിലാക്കിയ ജഡ്ജി ഇയാളോട് വാഹനം നിര്‍ത്തുവാന്‍ ആവശ്യപ്പെട്ടു എങ്കിലും അതൊന്നും ശ്രദ്ധിക്കാതെ ഡ്രൈവര്‍ വാഹനത്തിന്റെ വേഗം കൂട്ടുകയാണ് ചെയ്തത്. ജഡ്ജിയുടെ മൊബൈല്‍ നമ്പറിലെ ജി പി എസ് ട്രാക്കര്‍ ഉപയോഗിച്ചാണ് പോലീസ് കാര്‍ പോയ വഴി കണ്ടെത്തിയത്.
