സാഹയുടെ ക്യാച്ച് കണ്ട് കിളി പോയവര്‍ ലിയോണിന്റെ ഈ പറക്കും ക്യാച്ച് കണ്ടാല്‍ ശരിക്കും ഞെട്ടും; ഏതാണ് മികച്ചതെന്ന് ശരിക്കും കുഴങ്ങും നിങ്ങള്‍
കഴിഞ്ഞ ദിവസം ലോകക്രിക്കറ്റ് ഇന്ന് സാക്ഷ്യം വഹിച്ചത് രണ്ട് അതിമനോഹരങ്ങളായ ക്യാച്ചുകള്‍ക്കാണ്. ഒന്ന് അങ്ങ് ഓസ്ട്രേലിയയില്‍ ആണെങ്കില്‍ മറ്റൊന്ന് പിറന്നത് ഇങ്ങ് ഇന്ത്യയില്‍.ശ്രീലങ്കയ്ക്കെതിരായ ടെസ്റ്റില്‍ വിക്കറ്റിന് പിന്നില്‍ ഇന്ത്യന്‍ താരം സാഹ പറക്കും ക്യാച്ച് സ്വന്തമാക്കിയപ്പോള്‍ അഡ്ലെയ്ഡില്‍ ഇംഗ്ലണ്ടിനെതിരെ ലിയോണ്‍ വിക്കറ്റിന് മുന്നില്‍ അത്യുജ്ജ്വലമായ പറക്കും ക്യാച്ച് സ്വന്തമാക്കി.
അരെയും അമ്പരപ്പിക്കുന്ന ക്യാച്ചായിരുന്നു ലിയോണിന്റേത്. രണ്ടാം ടെസ്റ്റിന്റെ മൂന്നാം ദിനം ഇംഗ്ലീഷ് ഓള്‍റൗണ്ടര്‍ മൊയീന്‍ അലിയെ പുറത്താക്കിയാണ് ലയോണ്‍ അത്യഗ്രന്‍ ക്യാച്ച് സ്വന്തമാക്കിയത്. 49 ആം ഓവറില്‍ ലയോണിന്റെ പന്ത് നോണ്‍സ്ട്രൈക്ക് എന്‍ഡിലേക്ക് തട്ടിയിട്ട അലി ലയോണിന്റെ ക്യാച്ച് കണ്ട് ശരിക്കും അന്തം വിട്ടു. ഇടത്തോട്ട് മുഴുനീള ഡൈവിലൂടെ ലയോണ്‍ പന്ത് കൈപ്പിടിയിലൊതുക്കി.
സമാനമായ ഒരു ക്യാച്ചാണ് ദില്ലിയിലെ ഫിറോസ് ഷാ കോട്ല സ്റ്റേഡിയത്തിലും പിറന്നത്. ഇശാന്ത് ശര്‍മയുടെ പന്തില്‍ സമരവിക്രമയെ പുറത്താക്കാനായിരുന്നു വിക്കറ്റിന് പിന്നില്‍ വലത്തേക്ക് മുഴുനീള ഡൈവിലൂടെ സാഹ മനോഹരമായ ക്യാച്ച് എടുത്തത്.
