സണ്ണിയും കാവ്യയുമാണ് ഈ വര്‍ഷം ആളുകള്‍ ഏറ്റവുംകൂടുതല്‍ തെരഞ്ഞ താരങ്ങള്‍;ഐശ്വര്യയും പ്രിയങ്കയുമൊക്കെ കാവ്യക്കും പിന്നില്‍
2017 അവസാനിക്കാറായതോടെ ഈ വര്‍ഷം ഏറ്റവും കൂടുതല്‍ ക്ലിക്കായ ട്രന്റുകളെക്കുറിച്ചും ന്യൂസ് മേക്കേഴ്സിനെ കുറിച്ചുമൊക്കെ ആളുകള്‍ തപ്പിത്തുടങ്ങി. യാഹുവിന്റെ വാര്‍ഷിക വിശകലന പ്രകാരം ഈ വര്‍ഷം ഏറ്റവും കൂടുതല്‍ പേര്‍ തിരഞ്ഞ ടോപ് 10 വനിതാ താരങ്ങളുടെ പട്ടികയില്‍ ആദ്യത്തേത് ബോളിവുഡ് ഹോട്സ്റ്റാര്‍ സണ്ണിലിയോണിന്റേതാണ്. എന്നാല്‍ രണ്ടാമതായി നില്‍ക്കുന്നത് മലയാളത്തിന്റെ കാവ്യാ മാധവനാണ്.മുന്‍ ലോക സുന്ദരി പ്രിയങ്കാ ചോപ്രയും ഐശ്വര്യാ റായ്യും കാവ്യക്ക് പിന്നിലാണ്.
കഴിഞ്ഞ ജൂലൈയില്‍ സണ്ണി ലിയോണും ഭര്‍ത്താവ് ഡാനിയല്‍ വെബ്ബര്‍ ചേര്‍ന്ന് കുഞ്ഞിനെ ഒരു പെണ്‍ ദത്തെടുത്തിരുന്നു. പിന്നീടങ്ങോട്ട് സണ്ണി ലിയോണ്‍ വാര്‍ത്തകളില്‍ നിറഞ്ഞു നില്‍ക്കുകയായിരുന്നു. ദിലീപിന്റെ അറസ്റ്റുമായി ബന്ധപ്പെട്ടാണ് ഭാര്യ കാവ്യാ മാധവന്‍ വാര്‍ത്തകളില്‍ ഇടം പിടിച്ചത്.
2017 ലാണ് പ്രിയങ്ക ചോപ്ര ഹോളിവുഡ് അരങ്ങേറ്റം നടത്തിയത്. പിന്നീട് ഫോബ്സ് മാഗസിനിന്റെ ഏറ്റവും ശക്തരായ 100 സ്ത്രീകളില്‍ ഒരാളായി പ്രിയങ്ക എത്തി. ഇവര്‍ക്ക് പുറമെ കത്രീന കൈഫ്, ദീപിക പദുക്കോണ്‍, കരീന കപൂര്‍, മംമ്ത കുല്‍ക്കര്‍ണി, ഇഷ ഗുപ്ത, ദിഷാ പട്ടാണി തുടങ്ങയിവരും പട്ടികയിലുണ്ട്.
