പരിക്ക് ഗുരുതരമല്ല;ബ്ലാസ്റ്റേഴ്സിന് കരുത്ത് പകരാന്‍ ബെര്‍ബെറ്റോവ് മടങ്ങി വരുന്നു
പരിക്ക് മൂലം ഐ.എസ്.എല്ലിലെ കഴിഞ്ഞ മത്സരം കളിക്കാനാവാതിരുന്ന ബ്ലാസ്റ്റേഴ്സ് സൂപ്പര്‍ താരം ദിമിത്ര ബെര്‍ബെറ്റോവ് കാലത്തിലേക്ക് മടങ്ങി വരുന്നു.ടീമിലെ സൂപ്പര്‍ താര പരിവേഷമുള്ള ബെര്‍ബെക്ക് അവസാന നിമിഷം പരിക്കേറ്റതുമൂലം കഴിഞ്ഞ മത്സരം കളിക്കാന്‍ കഴിഞ്ഞിരുന്നില്ല.സ്ട്രൈക്കറാണെങ്കിലും ബ്ലാസ്റ്റേഴ്സ് മധ്യനിരയില്‍ കളിക്കുന്ന ബെര്‍ബയുടെ അഭാവത്തില്‍ ഗോവയ്ക്കതിരായ തങ്ങളുടെ അവസാന മത്സരത്തില്‍ 2 നെതിരെ 5 ഗോളുകള്‍ക്കാണ് കേരളം ബ്ലാസ്റ്റേഴ്സ് പരാജയം ഏറ്റുവാങ്ങിയത്.
മസിലിനേറ്റ പരിക്കിനെത്തുടര്‍ന്ന് നടത്തിയ എംആര്‍ഐ സ്‌കാനിംഗില്‍ പരിക്ക് അത്ര ഗുരുതരമല്ലെന്നാണ് കണ്ടെത്തിയതോടെയാണ് ബെര്‍ബയുടെ തിരിച്ചുവരവ് സ്ഥിരീകരിച്ചത്
ഡിസംബര്‍ 31ന് ബംഗളൂരു എഫ്‌സിയെ ബ്ലാസ്റ്റേഴ്സ് നേരിടുമ്പോള്‍ ബെര്‍ബ ടീമിലുണ്ടാകുമെന്നാണ് വിവിധ മാധ്യമങ്ങള്‍ റിപ്പോര്‍ട്ട് ചെയ്യുന്നത്.എങ്കിലും വിശ്രമമാവശ്യമുള്ളതിനാല്‍ അടുത്ത രണ്ട് മത്സരങ്ങളില്‍ ബെര്‍ബ കളിച്ചേക്കില്ല.
